1. Што за звярочак: па хаце ходзіць, ніхто яму не шкодзе, усякі яго ўважае, дарогу саступае.

2. Сярод хаты лужа стаіць, а на лужы рыба ляжыць.

3. Кругла, як гарбуз, салодка, як цукар, на стале не бывае, а ўвесь свет пітае.

4. Прыйшоў госць без вясцей, паеў курачку без касцей – і курачка цэлая, і госць сыты.

5. Свой сваю есць і ў вочы пазірае.

6. Бутэлечка крышталёва, у ёй вада здарова – хто жыў, хто ўміраў, той яе ўжываў.

7. Нова пляшачка поўна віначка – хто яго не ўжываў, той смаку не знаў.

Адказы:
Паказаць схаваны тэкст

1. Дзіця
2. Немаўлятка, малое дзіця
3. Грудзі маці
4. Дзіця і грудзі маці
5. Дзіця ля грудзі
6. Грудзі маці
7. Грудное малако

Яшчэ па тэме:

• Гульня “Што расце ў садзе”
• Загадкі пра сонца, месяц, зямлю
• Курачка-Рабка
• Калыханкі з ўсяго свету: Турэцкая (відэа)
• Дзяцел, лісіца і варона (народная казка)

Скача,
Скача
Без аглядкі,
Толькі над палянкамі
Бліскаюць вясёла пяткі
Зыркімі маланкамі.

Раз-два,
Раз-два –
Долу хіліцца трава.

Раз-два-тры,
Раз-два-тры –
Усміхаюцца бары.

Раз-два-тры-чатыры –
Светла ўсёй нябеснай шыры…

Раз-два-тры-чатыры-пяць –
Гром пайшоў за мора спаць.

Рыгор Барадулін Яшчэ па тэме:

• Выйшаў зайчык пагуляць
• …А нядоўга я вісеў – вецер дунуў, я зляцеў!
• Выйшаў месяц із тумана
• Павуціньне – вершык пра інтэрнэт (+mp3)
• Пеўнік, гусачок і верабей

Ладкі-ладушкі,
Прыляцелі птушкі,
Селі на варотах
У чырвоных ботах.
Селі на варотах
У чырвоных ботах.
Сталі сакатаці,
Нечага ім даці.
Насыплю гарошку,
Каб пад’елі трошку,
Ды падсыплю грэчкі,
Каб неслі яечкі.
Сталі сакатаці,
Нечага ім даці,
Грэчкі не ядуць,
Яек не нясуць.

* * *

Лады-лады-ладкі,
Малыя рабяткі
Гарох малацілі -
Цапы паламілі.
Лады-лады-ладкі!
- Дзе былі?
- У бабкі!
- Што елі?
- Кашку!
- А што пілі?
- Бражку!
Кашка – масляная,
Бражка – смачненькая.
Папілі, паелі -
Дамоў паляцелі,
На вароты селі,
«Ладушкі» запелі.

* * *

Гоп-гоп, і-га-га.
На буланцы едзець Янка,
Паўтараста рублей санкі,
Пяцьдзесят рублей дуга,
А кабылка паўрубля.
Гоп-гоп, і-га-га.

* * *

Сарока, варона
Дзецям кашу варыла,
На прыпечку ставіла,
Качаргой мяшала,
Паляном давала.
Гэтаму дала,
Гэтаму дала,
Гэтаму дала,
А гэтаму, маленькаму, не стала.
Бяжы, малы, па вадзіцу,
Знойдзеш кашку на паліцы.
Тут пень, тут калода,
Тут зімняя, а тут цёплая вадзіца.

* * *

Тфу-тфу-тфу.
Варыла, варыла мышка кашку,
На палонічку дзяліла.
Гэтаму дала,
Гэтаму дала,
Гэтаму дала,
Гэтаму дала.
А ты, маленькі, невялічкі,
Бяжы па вадзічку.
Табе кашка ў гаршочку на паліцы.
Тут пень, тут калода,
Тут мох, тут балота,
Тут крыніца,
А там зімняя вадзіца.

* * *

- Бегаў бай па сцяне
У чырвоным каптане.
Добрая мая казка ці не?
- Добрая.
- Як табе добрая, то і мне добрая.

Бегаў бай па сцяне
У чырвоным каптане.
Добрая мая казка ці не?
- Ну, добрая.
- Як табе добрая, то і мне добрая.

Бегаў бай па сцяне
У чырвоным каптане.
Добрая мая казка ці не?
- Ай, ідзі ты.

* * *

Ладкі-ладкі,
Каб кароўкі гладкі
Малачко давалі,
Дзетак гадавалі.
Ладу-ладу-ладкі,
Пабіліся бабкі
Пасярод рынку
За сівую свінку,
Пасярод места
За камок цеста.

* * *

- Ладкі-ладкі,
Дзе былі?
- У бабкі!
- А што елі?
- Кашку!
Кашка з алеем,
Есці не ўмеем.

* * *

Чыкі-чыкі, сарока!
Прыляцела далёка,
Села ў пана на таку,
А пан кажа: – Засяку!
- А, паночку, не сячы,
Буду табе служыці,
Дзеткам кашу варыці,
На прыпечку дзяліці.
Гэтаму дала, гэтаму дала.
А гэтаму – не дала:
- Ты ж, маленькі, круп не драў,
Вады не насіў, дзяжы не мясіў.
Ідзі, малы, па ваду,
Табе кашка на ляду,
А місачка на паліцы,
А лыжачка ў дайніцы.

* * *

Кую-кую ножку,
Паеду ў дарожку,
Дарожка крывенька,
Кабылка сляпенька.
Кую-кую пятку,
Паеду к братку.
У майго братка
На гарэ хатка,
І стажок, і млынок,
І моркаўкі градка.

* * *

Кую-кую ножку,
Паеду ў дарожку,
Зарэжу барана,
Завязу да пана.
Пан дасць гасцінца
У белай хусцінцы.
Да ножкі прывяжам,
Нікому не скажам.

* * *

Кую-кую ножку,
Паеду ў дарожку.
Сам на кабыле,
Сама на карове,
Дзеці на цялятах,
Слугі на сабаках.
Дарожка крывая,
Кабылка храмая.

* * *

- Ласачка, ласачка!
Дзе была?
- У Бога.
- Што рабіла?
- Кросны ткала.
- Што зарабіла?
- Кусочак сала.
- Дзе ж тое сала?
- Кошка ўкрала.
- А дзе тая кошка?
- Пад печ пайшла.
- А дзе тая печ?
- Агонь спаліў.
- А дзе той агонь?
- Вада заліла.
- А дзе тая вада?
- Вол папіў.
- А дзе той вол?
- Доўбня ўбіла.
- А дзе тая доўбня?
- Шашукі паелі.
- А дзе тыя шашукі?
- Куры паклявалі.
- А дзе тыя куры?
- На мора паляцелі.
- А дзе тое мора?
- Красачкамі зарасло.
- А дзе тыя красачкі?
- Дзеўкі парвалі.
- А дзе ж тыя дзеўкі?
- Хлопцы пабралі.
- А дзе тыя хлопцы?
- На вайну пайшлі.

* * *

Дожджык, дожджык, перастань,
Я паеду на Растань,
Куплю табе сарафан.
Паеду на Кіеў
Богу маліцца,
Хрысту пакланіцца.
Як у Бога сірата
Адкрывала варата
Ключыкам-замочкам,
Шоўкавым платочкам.

* * *

Божая кароўка,
Паляці на небка.
Прынясі нам хлебка,
Чорнага і белага,
Толькі негарэлага.

***

Дражнілкі

Андрэй, не дурэй,
Не дзяры сарочкі,
Не ты ткаў, не ты праў,
Не твае і дочкі.

* * *

Кацярына-Кацька
Не слухала бацьку,
Пайшла ў даліну -
Знайшла Акуліну.
Пайшла ў другую -
Знайшла рагуліну.

* * *

Іван-балван
Качарыжкі каваў,
Цыганам прадаваў.
Цыгане не купілі,
Івана аблупілі.

* * *

Сівы-сівы, па колькі слівы?
Як па пяць, то буду браць.
Як па дваццаць пяць,
То няхай табе згараць.

* * *

Яшчэ па тэме:

• Сарока кашку варыла
• Горкай, горкай, горачкай…
• Бай
• Пеўнік, гусачок і верабей
• Пшанічны каласок (кніга)

2. Жоўты ён і сыпкі,
У двары насыпаны.
Калі хочаш, можаш браць
Ды гуляць!

3. У гародзе ля дарожцы
Стаіць сонейка на ножцы,
Жоўтыя праменьчыкі палаюць,
Але не апякаюць.

4. У роснай траве
Ліхтарык гарэў.
А потым пацьмянеў,
Патух
І ператварыўся ў пух!

Адказы:
Паказаць схаваны тэкст

1) Колас
2) Пясок
3) Сланечнік
4) Дзьмухавец

Яшчэ па тэме:

• Чырвоныя загадкі
• Беларускія народныя казкі ў mp3
• Беларускія народныя загадкі пра грудное гадаванне
• Гуляем у хованкі – з 6 месяцаў!
• Водныя працэдуры. Казка пра слана і дырэктара заапарка

Трэкліст:
01. Добры вечар (Харошкі)
02. Чэпурушэчка (Свята)
03. Сівы конь (Сваякі)
04. Лявоніха (анс. В.Дудкевіча)
05. Шэрая лашадка (Купалінка)
06. Чарка на пасашок (Бяседа)
07. Вясельле (Церніца, Сябры)
08. Забава (Сваякі)
09. Ой, божа ж, мой божа (Палац)
10. Цячэ вада ў ярок (Свята)
11. Як я ехаў да яе (Крупіцкія музыкі)
12. Гарэла сасна (Церніца)
13. Расцвіла каліна (Купалінка)
14. Выйду на вуліцу (Свята)
15. Весялуха (Харошкі)
16. Дудалка (Харошкі)

Cпампаваць torrent (110 Mb)
Як пампаваць?

Складанка прадстаўлена праектам by-music.net – Музычная скарбонка беларускіх выканаўцаў. Заходзьце, там яшчэ шмат цікавых альбомаў.Яшчэ па тэме:

• Музычная складанка “На Купалле!” ад Kazki.By
• Вадаспады Грызлі – Grizzly Falls (фільм)
• Беларускія народныя казкі ад UNICEF (складанка, mp3)
• Праўдзівая гісторыя Чырвонага капялюшыка (відэа)
• Купалінка ў выкананні Аляксандра Рыбака

Малюнак: pauk-na-puantah.livejournal.com

Вывелі каня й каня не бярэ
Каня не бярэць чалом ня б’ець

Выняслі яму шубу баброву
Каня не бярэць чалом ня б’ець

Вывялі яму старую ж бабу
Бабу не бярэць чалом ня б’ець

Вывялі каня й каня не бярэць
Каня не бярэць чалом ня б’ець

Вывялі яму дзеўку й маладу
Дзеўку ён узяў і чалом аддаў!

Слухаць:
Download audio file (1-Altanka-kurka.mp3)
Выконвае беларускі гурт Альтанка
Спампаваць

Яшчэ па тэме:

• Беларускія калыханкі – Вольга Паўлоўская
• Налепкі на аўто “З намі дзеці”
• Калыханкі з ўсяго свету: Грэцкая
• Ой, люлі, люлі, люлі
• Страчанае слова

Сава, соўка,
Маладая ўдоўка,
Сядзець на павеці,
Люба паглядзеці:
Сама шэранькая,
Дзюбка доўгенькая.
Дзінь-бразь,
Выйдзі, князь,
Не забудзь дзіця.

- Заяц-месяц,
І дзе быў?
- У лесе.
- Што дзелаў?
- Лыкі драў.
- Куды клаў?
- Пад калоду.
- Выйдзі вон і з карагоду!

Бег сабака цераз мост,
Чатыры лапы, пяты – хвост,
А шостая – галава,
Выходзь, хто на літару «А».
Саломінка,
Яромінка,
Прэла,
Гарэла,
На мора ляцела.
Касцюк,
Масцюк,
Радзівон,
Пайдзі вон.

Яшчэ па тэме:

• Бочка-грэчка, выкінь чалавечка!
• Дзінь-бразь, выйдзі, князь!
• Скакалка – Рыгор Барадулін
• Аты-баты, шлі салдаты
• Пахне яблынькай заечай (калыханка+mp3)

Між карчакоў размесціць дом
Шар калючы — добры… слон?
Вожык!

Зямлю дзюбкай рыю,
Быццам дом будую -
Чарвячка шукаю ў рот!
Адгадалі, хто я? …Крот?
Кураня!

Ква ды ква, не песня – цуды!
Слухай ноччу перагуды!
Што быць можа весялей?
Нам спявае… салавей?
Жаба!

Хто любіць па дрэвах насіцца?
Вядома, рудая… лісіца?
Вавёрка!

Яшчэ па тэме:

• Загадкі-падманкі
• Беларускія народныя казкі ў mp3
• Дзед Барадзед – калыханка (два варыянта, mp3+ноты)
• Павуціньне – вершык пра інтэрнэт (+mp3)
• Беларуская калыханка па тэлефоне

Падабраў стручок гароху
І арэхаў грэцкіх троху.

А сяброўцы на страху
Курагі прынес крыху…

Аўтар: kamrushepa
Фота: Віктар Цяхт

Дарэчы, практыкаванне, якое дапамагае гуку Р – гэта частае-частае Д – “д-д-д”…

Яшчэ па тэме:

• Каму па каму, а каму і два камы
• Чаму заяц касалапы?
• Беларускія народныя казкі ў mp3
• 4 дзіцячыя выставы ў Менску
• Кур’ёзы: малых у Бабруйску вучаць ваяваць?

Хто грызе на елцы шышку?
Ну, вядома, гэта… мішка?
Вавёрка!

У куратніку йдзе бойка!
Хто завёў яе? Два… воўка?
Пеўня!

Вельмі павольна і ціха
Па лісцю паўзе… зайчыха?
Слімак!

Парушаючы раніцай ціш,
Спявае ў гаі… мыш?
Салавей!

У рэчцы я люблю пагушкаць,
У зграйцы плаваць, бо я — …птушка?
Рыба!

Яшчэ па тэме:

• Загадкі-падманкі – слон, крот, салавей, лісіца
• Чароўная ружа
• Файны стымул
• Агнія Барто па-беларуску: Цацкі
• Кранальная і незвычайная гісторыя пра сабаку, што стаў дэльфінам