Скача,
Скача
Без аглядкі,
Толькі над палянкамі
Бліскаюць вясёла пяткі
Зыркімі маланкамі.

Раз-два,
Раз-два –
Долу хіліцца трава.

Раз-два-тры,
Раз-два-тры –
Усміхаюцца бары.

Раз-два-тры-чатыры –
Светла ўсёй нябеснай шыры…

Раз-два-тры-чатыры-пяць –
Гром пайшоў за мора спаць.

Рыгор Барадулін Тыя, хто гэта прачытаў, таксама цікавіліся:

• Пеўнік, гусачок і верабей
• Сава, соўка, маладая ўдоўка… (дзіцячыя лічылкі)
• Сядзіць коцік на кухні, а мышка далёка…

Сава, соўка,
Маладая ўдоўка,
Сядзець на павеці,
Люба паглядзеці:
Сама шэранькая,
Дзюбка доўгенькая.
Дзінь-бразь,
Выйдзі, князь,
Не забудзь дзіця.

- Заяц-месяц,
І дзе быў?
- У лесе.
- Што дзелаў?
- Лыкі драў.
- Куды клаў?
- Пад калоду.
- Выйдзі вон і з карагоду!

Бег сабака цераз мост,
Чатыры лапы, пяты – хвост,
А шостая – галава,
Выходзь, хто на літару «А».
Саломінка,
Яромінка,
Прэла,
Гарэла,
На мора ляцела.
Касцюк,
Масцюк,
Радзівон,
Пайдзі вон.

Тыя, хто гэта прачытаў, таксама цікавіліся:

• Скакалка – Рыгор Барадулін

Як паведаміў складальнік і рэдактар выдання Ў.Сіўчыкаў, у кніжку увайшлі вершы апошніх гадоў творчасці паэта і выбарка больш ранніх яго твораў.

Старонкі: 144
Тып вокладкі: мяккая
Фармат: 60 х 90 1/16
Выданне: 1
ISBN: 978-985-448-077-0
Малюнкі: Алена Карпавіч
Тыраж: 3500 асобнікаў

У тым ліку — аб жывёлах і раслінах, скарбах лесу, прыродных з’явах, народных і рэлігійных святах, прафесіях агранома, ганчара, лесніка, столяра і хлебароба, аб старажытным беларускім гербе “Пагоня”, пераклады твораў Леэло Тунгал, Абзія Кадырава і Сурэна Мурадзяна. Таксама ў кнізе вы знойдзеце загадкi і лiчылкi. кніга адрасуецца дзеткам, iх мамулям i татулям, бабулям i дзядулям, выхавацелькам i настаўнiкам.

Дарэчы, яна ўжо ёсць і ў анлайн-крамах.

Тыя, хто гэта прачытаў, таксама цікавіліся:

• Трое парасятак (Уолт Дыснэй прэзентуе)
• Пеўнік, гусачок і верабей

Раз, два, тры, чатыры, пяць,
Выйшаў месяц пагуляць,
А за месяцам луна
Аставайся ты адна.

***

Раз, два, тры, чатыры, пяць,
Шэсць, сем, восем, дзевяць, дзесяць,
Выплыў белы месяц,
А за месяцам луна,
Хлопчык дзеўчыны слуга.
- Ты, слуга, падай карэту,
А я сяду і паеду.
Ты, слуга, падай лімон,
А я свісну, а ты – вон!

***

Раз, два, тры, чатыры, пяць,
Шэсць, сем, восем, дзевяць, дзесяць,
Выплывае белы месяц,
А за месяцам луна,
Выйшла дзевіца-слуга.
- Ты, слуга, падай карэту,
А я сяду і паеду,
Ты, слуга, падай мятлу,
А я хату падмяту. Тыя, хто гэта прачытаў, таксама цікавіліся:

• Горкай, горкай, горачкай…
• Сава, соўка, маладая ўдоўка… (дзіцячыя лічылкі)
• Скакалка – Рыгор Барадулін

Раз, два, тры, чатыры, пяць,
Выйшаў зайчык пагуляць,
А за зайцам шэры воўк,
Воўк у зайцах знае толк.

***

Раз, два, тры, чатыры, пяць,
Выйшаў зайчык пагуляць.
А за зайчыкам луна,
Просіць выйсці калдуна.

***

Раз, два, тры, чатыры, пяць,
Выйшаў зайчык пагуляць.
Трох ахотнічкаў напала,
Майго зайчыка злапала.
Піф-паф, о-ё-ёй,
Памірае зайчык мой.
Прыняслі яго дамой,
Паглядзелі – ён жывой.Тыя, хто гэта прачытаў, таксама цікавіліся:

• Скакалка – Рыгор Барадулін
• Зімовыя загадкі
• Калыханкі з ўсяго свету: Балгарская

***

Кацілась каляска
Па сінім масту,
Мост праваліўся,
Каляска – ў ваду.
Не жалка каляскі,
Не жалка маста,
А жалка царэўны:
Яна малада.

***

Ішла дзевачка па рынку,
Наступіла на карзінку.
У той карзіначцы табак,
Хто закурыць, той дурак.

***

За сцяклянымі дзвярамі
Стаіць Мішка з пірагамі.
- Здраствуй, Мішанька, дружок,
Колькі стоіць піражок?
- Тры капейкі з палавінай,
Ухадзі, дурак, з дубінай.

***

Дзядзя Коля – велікан,
Уваліўся у стакан.
У стакане малако,
Дзядзя Коля ко-ко-ко.

***

Йшла Малання з доўгім носам,
Падышла ка мне з вапросам:
- Што рабіць мне з гатым носам?
- Ідзі ў магазін,
Купі керасін,
А патом, а патом
Адсячы тапаром.

***

Агурэчак, агурэчак,
Ты не йдзі на той канечак:
Там бабкі жывуць,
Табе хвосцік адарвуць.

***

Дзеці, дзеці, дзетвара,
Уцякайце са двара!
Хто не захаваецца,
Крычыць “ура!”Тыя, хто гэта прачытаў, таксама цікавіліся:

• Сядзіць коцік на кухні, а мышка далёка…
• Чырвоныя загадкі
• Не брэша, не кусае, а ў хату не пускае…

Пайшла курка у аптэку,
Закрычала: “Кукарэку!
Дайце пудры і духоў
На падманку петухоў”.

***

Выйшла курыца з-пад сеці,
А за ёю – злыя дзеці.
Кох-кох, адзін здох.

***

Шла квактуха міма сеці,
Сама села на павеці.
Кох-кох-кох,
Адзін цыплёнак здох.

***

Курыца-квактуха
Вадзіла дзяцей
Каля кляцей.
Квох – сесці
На красным месці,
Яечка знесці. Тыя, хто гэта прачытаў, таксама цікавіліся:

• Сава, соўка, маладая ўдоўка… (дзіцячыя лічылкі)
• Не брэша, не кусае, а ў хату не пускае…
• Сядзіць коцік на кухні, а мышка далёка…

Аты-баты, шлі салдаты,
Аты-баты, на базар,
Аты-баты, што купілі?
Аты-баты, самавар.
Аты-баты, колькі стоіць?
Аты-баты, тры рубля.
Аты-баты, хто выходзіць?
Аты-баты, гэта я.

***

Ані-бані, што пад вамі,
Пад жалезнымі стаўбамі?
Унчык-бунчык, сам гарбунчык,
Серабраны крэст.

***

Ані-бані, што пад намі,
Пад жалезнымі стаўпамі?
Сіта, пліта, квас,
Адыйдзі, дурак, ад нас.

***

Ані, Вані,
Што пад вамі,
Пад жалезнымі стаўбамі?
Цып, бразь,
Выйдзі, князь.

***

Нітачка, голачка,
Сіня сцяколачка,
Рыба карась,
А ты убірайсь!

***

Кінь, кінь, перакінь,
Давай далей пабяжым,
Цераз воду і агонь,
Не дагоніць нас і конь. Тыя, хто гэта прачытаў, таксама цікавіліся:

• Сава, соўка, маладая ўдоўка… (дзіцячыя лічылкі)
• Фолк-складанка “Вясёлы вечар”
• Сядзіць коцік на кухні, а мышка далёка…

Курыца-квактуха
Вадзіла дзяцей
Каля кляцей.
Квох – сесьці
На красным месці,
Яечка зьнесці.

***

Бегла курка па таку,
Па зялёным табаку,
Ела цукар і мядок,
Адчапіся, каралёк.

***

Хадзіў бусел па балоту,
Ён шукаў сабе работу.
Шукаў, шукаў, не знайшоў
І заплакаў дый пайшоў.

***

Чыкеньчыкі, пікеньчыкі,
Ляцелі галубеньчыкі.
Чыкін, пікін,
Пальчык выкінь.

***

Ішла кукушка міма сеці,
А за ёй пішчалі дзеці.
Кук-мак, кук-мак,
Выбірай адзін кулак.
Ку-ку, ку-ку,
Прынімай адну руку.

***

Выйшла курыца з-пад сеці,
А за ёю – злыя дзеці.
Кох-кох, адзін здох.

***

Шла квактуха міма сеці,
Сама села на павеці.
Кох-кох-кох,
Адзін цыплёнак здох!
Тыя, хто гэта прачытаў, таксама цікавіліся:

• Не брэша, не кусае, а ў хату не пускае…
• Сава, соўка, маладая ўдоўка… (дзіцячыя лічылкі)
• Чырвоныя загадкі

Раз, два, тры, чатыры, пяць,
Шэсьць, сем, восем, дзевяць, дзесяць,
Цар казаў мяне павесіць,
А нядоўга я вісеў:
Вецер дунуў – я зляцеў!

***

Раз, два, тры, чатыры,
Пяць, шэсьць, сем, восем,
Мы, цябе, стукач, папросім.

***

Раз, два, тры, чатыры,
Пяць, шэсьць, сем, восем,
Выйшла баба з доўгім носам,
А за бабай сівы дзед,
Колькі дзеду таму лет?

***

Раз, два, тры, чатыры,
Мы стаялі на кварціры,
Чай пілі, кружкі білі,
Па капейцы заплацілі.
Адам, Сцяпан, падай стакан!
Падай лімон – убірайся вон!

***
Раз, два, тры, чатыры,
Мяне грамаце вучылі:
Не чытаць, не пісаць,
Толькі поплясы скакаць.
Я скакала, я скакала,
Сабе ножаньку зламала.

***

Раз, два – кружава,
Тры, чатры – пачапілі,
Пяць, шэсьць – кашу есьць
Сем, восем – сена косім,
Дзевяць, дзесяць – грошы весіць.

Грош згубілі, два знайшлі -
У карчму ўсе пайшлі:
Чай п’юць, кубкі б’юць,
На стол грошыкі кладуць

***

Раз, два, тры, чатыры,
Кошку грамаце вучылі:
Не чытаць, не пісаць,
А за мышкамі скакаць.

***

Раз, два, тры, чатыры, пяць -
Я ўжо іду шукаць.
Хто перада мной стаіць,
Той ў агне гарыць.
Раз, два, тры -
Гэта, пэўна, будзеш ты.

***

Ляцеў лебедзь,
Лічыў дзесяць,
Цар хацеў мяне павесіць,
А царыца не дала
І павесіла цара.
Цар вісеў, вісеў, вісеў
І ў памыйку уляцеў,
Усю памыйку аблізаў
І спасіба не сказаў. Тыя, хто гэта прачытаў, таксама цікавіліся:

• Не брэша, не кусае, а ў хату не пускае…
• Скакалка – Рыгор Барадулін
• Сава, соўка, маладая ўдоўка… (дзіцячыя лічылкі)