А, можа, хто з вас не захоча са мной пагадзіцца?
Мо, штосьці не тое я вам расказаў пра звяроў?

Мо, гэта сам заяц наўцёк ад лісіцы бяжыць?
Яму, небараку, няпроста зіму перажыць…

Крыніца: сайт пісьменніка Генадзя Аўласенкі

Тыя, хто гэта прачытаў, таксама цікавіліся:

• Верш, дзе ўсё наадварот
• Зайка польку танцаваў
• Калі б у мяне быў конь – Генадзь Аўласенка

Лапку поўсткай расчасаў
І для дзетак напісаў
Верш,
дзе ўсё наадварот…
Падпісаўся:
Вот-Куркот.
Крыніца: сайт пісьменніка Генадзя АўласенкіТыя, хто гэта прачытаў, таксама цікавіліся:

• Небывальшчына
• Зайка польку танцаваў
• Калі б у мяне быў конь – Генадзь Аўласенка

Ладкі-ладушкі,
Прыляцелі птушкі,
Селі на варотах
У чырвоных ботах.
Селі на варотах
У чырвоных ботах.
Сталі сакатаці,
Нечага ім даці.
Насыплю гарошку,
Каб пад’елі трошку,
Ды падсыплю грэчкі,
Каб неслі яечкі.
Сталі сакатаці,
Нечага ім даці,
Грэчкі не ядуць,
Яек не нясуць.

* * *

Лады-лады-ладкі,
Малыя рабяткі
Гарох малацілі -
Цапы паламілі.
Лады-лады-ладкі!
- Дзе былі?
- У бабкі!
- Што елі?
- Кашку!
- А што пілі?
- Бражку!
Кашка – масляная,
Бражка – смачненькая.
Папілі, паелі -
Дамоў паляцелі,
На вароты селі,
«Ладушкі» запелі.

* * *

Гоп-гоп, і-га-га.
На буланцы едзець Янка,
Паўтараста рублей санкі,
Пяцьдзесят рублей дуга,
А кабылка паўрубля.
Гоп-гоп, і-га-га.

* * *

Сарока, варона
Дзецям кашу варыла,
На прыпечку ставіла,
Качаргой мяшала,
Паляном давала.
Гэтаму дала,
Гэтаму дала,
Гэтаму дала,
А гэтаму, маленькаму, не стала.
Бяжы, малы, па вадзіцу,
Знойдзеш кашку на паліцы.
Тут пень, тут калода,
Тут зімняя, а тут цёплая вадзіца.

* * *

Тфу-тфу-тфу.
Варыла, варыла мышка кашку,
На палонічку дзяліла.
Гэтаму дала,
Гэтаму дала,
Гэтаму дала,
Гэтаму дала.
А ты, маленькі, невялічкі,
Бяжы па вадзічку.
Табе кашка ў гаршочку на паліцы.
Тут пень, тут калода,
Тут мох, тут балота,
Тут крыніца,
А там зімняя вадзіца.

* * *

- Бегаў бай па сцяне
У чырвоным каптане.
Добрая мая казка ці не?
- Добрая.
- Як табе добрая, то і мне добрая.

Бегаў бай па сцяне
У чырвоным каптане.
Добрая мая казка ці не?
- Ну, добрая.
- Як табе добрая, то і мне добрая.

Бегаў бай па сцяне
У чырвоным каптане.
Добрая мая казка ці не?
- Ай, ідзі ты.

* * *

Ладкі-ладкі,
Каб кароўкі гладкі
Малачко давалі,
Дзетак гадавалі.
Ладу-ладу-ладкі,
Пабіліся бабкі
Пасярод рынку
За сівую свінку,
Пасярод места
За камок цеста.

* * *

- Ладкі-ладкі,
Дзе былі?
- У бабкі!
- А што елі?
- Кашку!
Кашка з алеем,
Есці не ўмеем.

* * *

Чыкі-чыкі, сарока!
Прыляцела далёка,
Села ў пана на таку,
А пан кажа: – Засяку!
- А, паночку, не сячы,
Буду табе служыці,
Дзеткам кашу варыці,
На прыпечку дзяліці.
Гэтаму дала, гэтаму дала.
А гэтаму – не дала:
- Ты ж, маленькі, круп не драў,
Вады не насіў, дзяжы не мясіў.
Ідзі, малы, па ваду,
Табе кашка на ляду,
А місачка на паліцы,
А лыжачка ў дайніцы.

* * *

Кую-кую ножку,
Паеду ў дарожку,
Дарожка крывенька,
Кабылка сляпенька.
Кую-кую пятку,
Паеду к братку.
У майго братка
На гарэ хатка,
І стажок, і млынок,
І моркаўкі градка.

* * *

Кую-кую ножку,
Паеду ў дарожку,
Зарэжу барана,
Завязу да пана.
Пан дасць гасцінца
У белай хусцінцы.
Да ножкі прывяжам,
Нікому не скажам.

* * *

Кую-кую ножку,
Паеду ў дарожку.
Сам на кабыле,
Сама на карове,
Дзеці на цялятах,
Слугі на сабаках.
Дарожка крывая,
Кабылка храмая.

* * *

- Ласачка, ласачка!
Дзе была?
- У Бога.
- Што рабіла?
- Кросны ткала.
- Што зарабіла?
- Кусочак сала.
- Дзе ж тое сала?
- Кошка ўкрала.
- А дзе тая кошка?
- Пад печ пайшла.
- А дзе тая печ?
- Агонь спаліў.
- А дзе той агонь?
- Вада заліла.
- А дзе тая вада?
- Вол папіў.
- А дзе той вол?
- Доўбня ўбіла.
- А дзе тая доўбня?
- Шашукі паелі.
- А дзе тыя шашукі?
- Куры паклявалі.
- А дзе тыя куры?
- На мора паляцелі.
- А дзе тое мора?
- Красачкамі зарасло.
- А дзе тыя красачкі?
- Дзеўкі парвалі.
- А дзе ж тыя дзеўкі?
- Хлопцы пабралі.
- А дзе тыя хлопцы?
- На вайну пайшлі.

* * *

Дожджык, дожджык, перастань,
Я паеду на Растань,
Куплю табе сарафан.
Паеду на Кіеў
Богу маліцца,
Хрысту пакланіцца.
Як у Бога сірата
Адкрывала варата
Ключыкам-замочкам,
Шоўкавым платочкам.

* * *

Божая кароўка,
Паляці на небка.
Прынясі нам хлебка,
Чорнага і белага,
Толькі негарэлага.

***

Дражнілкі

Андрэй, не дурэй,
Не дзяры сарочкі,
Не ты ткаў, не ты праў,
Не твае і дочкі.

* * *

Кацярына-Кацька
Не слухала бацьку,
Пайшла ў даліну -
Знайшла Акуліну.
Пайшла ў другую -
Знайшла рагуліну.

* * *

Іван-балван
Качарыжкі каваў,
Цыганам прадаваў.
Цыгане не купілі,
Івана аблупілі.

* * *

Сівы-сівы, па колькі слівы?
Як па пяць, то буду браць.
Як па дваццаць пяць,
То няхай табе згараць.

* * *

Тыя, хто гэта прачытаў, таксама цікавіліся:

• Пеўнік, гусачок і верабей
• Верш, дзе ўсё наадварот

***

Кацілась каляска
Па сінім масту,
Мост праваліўся,
Каляска – ў ваду.
Не жалка каляскі,
Не жалка маста,
А жалка царэўны:
Яна малада.

***

Ішла дзевачка па рынку,
Наступіла на карзінку.
У той карзіначцы табак,
Хто закурыць, той дурак.

***

За сцяклянымі дзвярамі
Стаіць Мішка з пірагамі.
- Здраствуй, Мішанька, дружок,
Колькі стоіць піражок?
- Тры капейкі з палавінай,
Ухадзі, дурак, з дубінай.

***

Дзядзя Коля – велікан,
Уваліўся у стакан.
У стакане малако,
Дзядзя Коля ко-ко-ко.

***

Йшла Малання з доўгім носам,
Падышла ка мне з вапросам:
- Што рабіць мне з гатым носам?
- Ідзі ў магазін,
Купі керасін,
А патом, а патом
Адсячы тапаром.

***

Агурэчак, агурэчак,
Ты не йдзі на той канечак:
Там бабкі жывуць,
Табе хвосцік адарвуць.

***

Дзеці, дзеці, дзетвара,
Уцякайце са двара!
Хто не захаваецца,
Крычыць “ура!”Тыя, хто гэта прачытаў, таксама цікавіліся:

• Сядзіць коцік на кухні, а мышка далёка…
• Чырвоныя загадкі
• Не брэша, не кусае, а ў хату не пускае…

Петушок, петушок, залаты грабянёк!
На саломцы спаў,
Рана ён устаў,
Па вадзічку пайшоў,
Маладзічку знайшоў,
Маладзічка дабра
Яму штонікі дала.
Ён і тыя не знасіў
І другія папрасіў.

***

Кукарэку, певунок!
Пашый хлопцу кажушок,
Пашый штонікі з шаўкоў,
З залаценькіх паяскоў.
І пашыў ён, і надзеў,
І ў люстэрка паглядзеў.

***

Скок-скок-паскок,
малады драздок,
па вадзічку пайшоў,
маладзічку знайшоў…

***

Гого-гого, гусачок!
Зрабі хлопчыку свісток
З беласнежнага крыла,
Ды з бліскучага пяра.
І зрабіў ён, і падаў,
І сыночак заіграў.

Верабейчык скача, скача,
Яму холадна, няйначай,
Бо мароз трашчыць,
Бо сняжок блішчыць.

***

Чы-чы, чы-чы, верабей,
Не клюй маіх канапель,
Бо я табе, вераб’ю,
Кійком ножку пераб’ю.
Верабейка паслухаў,
Канапелек не чапаў,
Стаў лавіць ён мошачку,
Зламаў сабе ножачку.
Я на тую ножачку
Пашыю панчошачку,
А на тое цельца
Вытку палаценца.

***

Ляцеў воран
У трубу чорну.
Дым валіць
Табе жмурыць. Тыя, хто гэта прачытаў, таксама цікавіліся:

• Горкай, горкай, горачкай…
• Скакалка – Рыгор Барадулін
• Сядзіць коцік на кухні, а мышка далёка…

Ідзе каза рагатая,
Ідзе каза, ідзе,
Барадой трасе.
“Хто кашу не есць,
Малачка не п’е –
Таго забадаю,
На рогі пасаджу”.

***

Ой, бычок, мой бысенька,
Залатая лысінка,
Бадучыя рогі,
Тупучыя ногі.
Паціханьку ты хадзі
І дзіцятка не будзі. Тыя, хто гэта прачытаў, таксама цікавіліся:

• Сядзіць коцік на кухні, а мышка далёка…
• Не брэша, не кусае, а ў хату не пускае…
• Калыханкі з ўсяго свету: Балгарская