Казкі беларускія » Аўдыё

Дзінь-дзілінь: пара гуляць у казкі

kazkiby — Sun, 12 Feb 2012 17:01:15 +0000

Вядомыя выканаўцы, паэты і пісьменьнікі, акторы, артысты і нават адзін дыплямат узялі ўдзел у сумесным праекце інтэрнэт-парталу Tuzin.FM ды Беларускага Радыё Рацыя «Дзінь-дзілінь: пара гуляць у казкі». Праект складаецца з 12 казак аўтарства Сяргея Вітушкі, беларускага пісьменьніка зь Вільні.

Дзінь-дзілінь - пара гуляць у казкі

Агучылі казкі вядомыя беларускія дзеячы:

Алег Хаменка — Залатое яечка
Ганна Хітрык — Вадзіца жывая-мёртвая
Лявон Вольскі — Як Дзед-Мароз новае сьвята прыдумаў
Адам Глёбус — Казка на Дзень гораду
Зьміцер Вайцюшкевіч — Казачка на вербную нядзельку
Тамара Лісіцкая — Казачка на Дзень Сьвятога Валянціна
Андрэй Хадановіч — Вільнюсь
Алесь Камоцкі — Казачка пра Цмока Базылішка
Стэфан Эрыксан — На Купальле
Уладзімер Арлоў — Казка пра Герб
Зінаіда Бандарэнка — Казка пра Гімн
Сяргей Сокалаў-Воюш — Казка пра Сьцяг

Паслухаць адну з казак:
Download audio file (vituszka_bandarenka_kazka_pra_himn.mp3)
Спампаваць

Тыя, хто гэта прачытаў, таксама цікавіліся:

Жыла-была яліначка (+mp3)

kazkiby — Thu, 22 Dec 2011 17:44:39 +0000

Жыла-была яліначка,
У хвойнічку расла,
Зімой і летам стройная,
Зялёная была.

Мяцеліца ёй песеньку
Спявала: “Баю-бай!”,
Сняжком яе атульвала:
“Глядзі не замярзай!”

Пужлівы зайка шэранькі
Вакол яе скакаў,
Падчас і воўк, сярдзіты воўк
Трушком тут прабягаў.

Сняжок у лесе сцішаным
Пад полазам рыпіць,
І конік жвавы сівенькі
Спяшаецца, бяжыць.

Імчацца лёгка саначкі,
А ў санках мужычок
Вязе для нас яліначку,
Паклаўшы на бачок.

І вось яна, прыбраная,
На свята к нам прыйшла
І шмат пацехі, радасці
Для дзетак прынясла.

Сл. З. Аляксандравай
Муз. М. Красева
Перакл. В. Жуковіча

Слухаць і спяваць разам:
Download audio file (jalinachka2.mp3)

Тыя, хто гэта прачытаў, таксама цікавіліся:

Матуліны рукі (аўдыё)

kazkiby — Fri, 25 Feb 2011 18:20:01 +0000

3 маленства яны нас да сэрца гарнулі,
Пяшчотныя, добрыя рукі матулі,
Што зранку працуюць няспынна і лоўка,
Дачушку накормяць, прычэшуць галоўку.

Малюнак: Josephine Wall

Матуліны рукі нас песцяць, галубяць,
Так шчыра, як маці, ніхто нас не любіць.
Матуліны рукі — адзіныя ў свеце.
Шануйце, любіце заўсёды іх, дзеці.

Верш В. Вярбы
Музыка У. Галя

Паслухаць:
Download audio file (matuliny_ruki.mp3)
Тыя, хто гэта прачытаў, таксама цікавіліся:

Калядныя анёлкі (аўдыё)

kazkiby — Mon, 20 Dec 2010 08:00:42 +0000

Малюнак: krakatuka.livejournal.com

Калядныя анёлкі
сабраліся пад ёлкай
і водзяць карагоды
з вясёлае нагоды

А танец завірухі
не нараджае скрухі,
наадварот – бадзёрыць
анёлкам радасць дорыць

І кожны з іх смяецца,
бо радуецца сэрца
святочнаму настрою,
спагадзе і спакою

Download audio file (wz-orkiestra-kaliadnyja-anelki-128.mp3)

Спявае Галіна Казіміроўская, з супольнага праекту “Мой сябра анёлак” (WZ-Orkiestra)

Зямны анёлак (аўдыё)

kazkiby — Sat, 11 Sep 2010 11:32:42 +0000

Запытаўся чмель у пчолкі:
- Дзе, скажы, жывуць анёлкі?
Пасур’ёзнела пчала
І расказваць пачала:

Малюнак: Maria Woods

- Ведаеш, прыяцель чмелю,
У мінулую нядзелю
Дзікі мёд збірала я
Ля крыніцы-ручая.

Раптам бачу: сярод зёлак
На зямлі сядзіць анёлак -
Белакрылы матылёк -
Прыляцеў, відаць, здалёк.

Мёд збіраць я перастала
І анёлка запытала:
- Ты адкуль і дзе твой дом?
- Я анёлак-астраном

Для жыцця свайго планету
Выбраў менавіта гэту.
Абляцеўшы ўвесь сусвет,
Лепшых не знайшоў планет.

Тут я вырашыў застацца,
Справай добраю займацца –
Быць ахоўнікам людзей,
Іх чаканняў і надзей…

Малюнак: Настасся Мілашэнка

Download audio file (wz-orkiestra-ziamny-anelak-128.mp3)
Спявае Наста Някрасава, праект “Мой сябра анёлак” (WZ-Orkiestra)Тыя, хто гэта прачытаў, таксама цікавіліся:

Музычная складанка “На Купалле!” ад Kazki.By

kazkiby — Mon, 22 Jun 2009 23:15:03 +0000

Прапануем вашай увазе купальскую аўдыё-складанку “На Купалле!”.
Спадзяемся, што яна вам падабаецца і нават спатрэбіцца (напрыклад, калі будзеце скокаць праз вогнішча ;)

На Купалле!

Змест:
01 Берагіня – На Купалле
02 Троіца – У нас сягодня Купалле
03 Наталля Матыліцкая – У нас сягоння Купала. То-то-то
04 Yar – Купаллё
05 Алеся і ансамбль Сябры – Купалінка
06 Ліцвіны – Да сядзела Купалля на плоці
07 Палац – Розгары (купальская)
08 Guda – Ішла Купалка сялом
09 Guda – Дзе ты, Купала, купалася
10 Трухановіч – Купальская
11 Plan & Pan Zhyzhma – Купалінка
12 Прымакі – Купалінка
13 Песняры – Купалінка
14 ВІА Харлі – Купаліначка
15 Іван Кірчук – Купала на Йвано
16 Guda – А на Купала, а на Йвана
17 Іван Кірчук – Як на Йвана дужа рана
18 Guda – Ды гарэла Купайло на горэ
19 Стары Ольса – Купальскi лёс
20 Galina Bэzu – Купала
21 United colors of RUDN – Купалінка
22 Палац – Ой, Купала
23 Bonus

Час гучання: 1:02
Складанка падрыхтавана праектам kazki.by да Купалля-2009.
Толькі для некамерцыйнага выкарыстання.

А што за Купалле такое?))

Жыццё нашых продкаў рэгламентавалася сонечным календаром. Такія значныя падзеі, як сонцаварот і раўнадзенства, заўжды адзначаліся вялікімі святамі. Якраз сонцаварот быў прымеркаваны да свята Купалля.

Падрыхтоўка да Купалля пачыналася ўжо з раніцы: прыбіралі хаты, моладзь збірала ўсялякія старыя рэчы для таго, каб ладзіць вялікае вогнішча. Людзі пазбаўляліся ад старога, дрэннага, непатрэбнага, спальвалі гэта ўсё і пачыналі новае жыццё.

Дзяўчаты збіралі карысныя лекавыя травы ў лугах.

Пад вечар пачыналася святкаванне. Спачатку вялікае шэсце да месца – гэта звычайна была гара альбо месца ля ракі ці возера на ўзвышшы, каб быць бліжэй да сонца.

Вогнішча складалася вельмі вялікае, на ягоную вяршыню ўсталёўвалася жардзіна, а ўжо на яе – кола ад падводы, якое сімвалізавала сваёй формай сонца.

Шэсце з песнямі рушыла да месца вогнішча, і людзі разводзілі агонь, ладзіліся купальскія карагоды. Увогуле, усё свята суправаджалася спевамі – купальскія песні вельмі разнастайныя і па сюжэтах, і па мелодыцы.

Пасля ўжо пачыналіся танцы, застолле, ладзілі рытуальны стол, на якім звычайна была раслінная ежа – улетку мяса ўжо не было, канчаліся запасы. Асноўнымі стравамі былі яешня, зеляніна, сыр, малочныя стравы.

Моладзь хадзіла шукаць папараць-кветку, якая зацвітае толькі ў самую кароткую ноч. Ладзіліся і купанні, і катанне на чоўнах. Незамужнія дзяўчаты плялі вянкі і варажылі на свой лёс.

Калі вогнішча ўжо прагарала, пачыналіся скокі праз яго. Скакалі па аднаму і па двое, нават на канях, кідалі ў вогнішча вянкі. Была прыкмета: калі хлопец у дзяўчыны з галавы сарваў вянок і кінуў яго ў блукаючы агонь, то ён павінен з ёй ажаніцца.

Ноч на Івана Купалу прымеркавана да самай кароткай ночы, якая астранамічна кожны год адзначалася ў розныя дні. У 2009 годзе санцаварот адбываўся з 20 на 21 чэрвеня. Ае большасць адзначае гэтае свята з 6 на 7 ліпеня (праваслаўны Дзень святога Яна) ці 23-24 ліпеня (каталіцкі Дзень святога Яна). А нехта нават і тры разы адразу :)

Тыя, хто гэта прачытаў, таксама цікавіліся:

Я буду капітанам – спявае Грышка Гільмулін (+mp3)

kazkiby — Mon, 15 Jun 2009 16:27:32 +0000

Я буду капітанам. Карыкатура: Нікалай Круцікаў

Шуміць на карце мора
Сапраўдным ураганам.
Я вырашыў учора,
Што буду капітанам.

Рашаю сам задачы,
Вучуся я старанна.
Мае сябры пабачаць –
Я стану капітанам!

Вятры і штормы, дружа,
Прайду загартаваны.
Я стану самым дужым
І смелым капітанам.

Калі паклічуць горны
Ў далёкія туманы,
Скажу: “Бывай, мой горад!
Уперад, капітаны!”

Шуміць на карце мора
Сапраўдным ураганам.
Я вырашыў учора,
Што буду капітанам.

Рашаю сам задачы,
Вучуся я старанна.
Мае сябры пабачаць –
Я стану капітанам!

Музыка Вячаслава Ждановіча

Паслухаць:
Download audio file (jastanukapitanam.mp3)
Тыя, хто гэта прачытаў, таксама цікавіліся:

Дзед Барадзед – калыханка (два варыянта, mp3+ноты)

kazkiby — Sat, 13 Jun 2009 09:20:03 +0000

Я хаджу па белым свеце
I гляджу, як вы жывеце.
Калi трэба – памагу,
Бо я ўсё рабiць магу.

Ноты да калыханкі Дзед Барадзед

Прыпеў:
Хто я? Дзед-барадзед,
Абышоў белы свет,
А цяпер у цiхi час
Завiтаў да вас.

З вамi побач буду ўсюды,
Трэба цуды – зробiм цуды,
Трэба казка – раз, два, тры,
Вось i казка вам, сябры!

Вечарамi казкi баю,
Я ў запасе шмат iх маю.
А як прыйдзе казка ў сне,
Зноў кажыце: дзякуй мне…

Я хаджу па белым свеце –
Ваш найлепшы сябар, дзецi,
I вядома нават мне,
Што вы бачыце ўва сне.

Слова А. Вольскага
Музыка Л. Захлеунага

Download audio file (Dzied-Baradzied_original.mp3)

А таксама арыгінальная апрацоўка гэтай песні ў выкананні Лепрыконсаў, паслухайце – цікава.
Download audio file (Dzed_Baradzed_Lepriconsy.mp3)
Тыя, хто гэта прачытаў, таксама цікавіліся:

Беларускія народныя казкі, ч.1 – Казкі пра жывёл (mp3)

kazkiby — Fri, 12 Jun 2009 08:00:20 +0000

Чытае Алег Хаменка.
Агульны час гучаньня 62:11
10 трэкаў

Змест

1. Бык і ваўкі
2. Бык, парсюк, гусакі і певень
3. Воўк, Зьмітрок, кабыла і баран
4. Воўк, стары сабака і кот
5. Дзед ды баба і воўк
6. Дурны воўк
7. Жораў ды чапля
8. Зайкіна хата
9. Каза ў арахах
10. Каза Дарота
Тыя, хто гэта прачытаў, таксама цікавіліся:

Жылі у бабусі вясёлыя гусі (+mp3)

kazkiby — Thu, 11 Jun 2009 11:27:57 +0000

Жылі у бабусі
Вясёлыя гусі:
Адзін шэры,
Другі белы -
Вясёлыя гусі.

Гагаталі тыя
Гусі маладыя:
Адзін шэры,
Другі белы -
Гусі маладыя.

Бегалі па траўцы,
Мыліся ў канаўцы.
Адзін шэры,
Другі белы -
Мыліся ў канаўцы.

Вось крычыць бабуся:
“Ой, прапалі гусі!
Адзін шэры,
Другі белы -
Гусі мае, гусі!”

Вынырнулі гусі
Ад бабусі блізка.
Адзін шэры,
Другі белы -
Кланяліся нізка.

Укр. нар. песня
Перакл. В. Жуковіча

Слухаць мінус і спяваць:
Download audio file (gusi.mp3)
Тыя, хто гэта прачытаў, таксама цікавіліся: