Казкі беларускія » Песні

Цуд на Каляды – ПамідорOff (відэа)

kazkiby — Sat, 24 Dec 2011 00:08:02 +0000

Гэта было аднойчы ўвечары, калi
Калолi зоркi зрок, i йшоў сьнег па ўсёй зямлi,
i цiхi вецер
Разносiў песьнi,
Што сьпявалi дзецi
Па ўсiм сьвеце,
Ага – ага
Пляскаючы ў далонi.
Зiхацелi лiхтарыкi ў завейным палоне.

Чалавек адзiнокi ў горад гэты прыйшоў.
Ён шукаў па сьвеце шчасьця,
Але покуль не знайшоў.
Змораны, стомлены
Але верыў упарта
Ў тое, што будзе яму цуд
На Каляды!

Сьвятая ноч у горадзе вялiкiм панавала,
Утаймоўвала думкi, сьнегам пасыпала.
У свайго вакна адна сядзела жанчына,
Чакала на цуд таксама,
Плюбум варажыла.
Будзе-ня-будзе, калi-некалi, дай Божа!
А ў дзьверы грукае нехта, ага!
Калядоўшчык!

Але ж нейкi дзiўны, i да таго ж адзiн.
Таму сенцы адчынiла,
Сказала: “Сюды хадзi!”
Сама не зразумеўшы,
Цi то прыбытак, цi то страта…
А можа ўсё ж ткi ёй будзе цуд
На Каляды!

(Ad Missam in nocte)
Deus, qui hanc sacratissimam noctem
Veri luminus fecisti illustratione clarescere?
Da, quaesunus, ut, cuius in terra mysteria lucis
agnovimus,
Eius quoque gaudiis perfuamur in caelo. Per
Dominum.

Дык вось!
Завiруха сьцiхла недзе
За горад белым.
у адзiнае вакно
Зоркi-волы глядзелi.
Ён стаў ейным падарункам,
Ён быў ейнае сьвята!
Ды й ня можа быць iнакш
На Каляды!

Хвала на вышынях, спакой на зямлi!
Анёлы на нябёсах сьпяваюць свае песьнi!
Вясёла навiна! Цуд адбыўся!
Гэта было ўжо ў Бэтлэеме, спраўдзiлася ў
Менску.
Дзьве тысячы год: iх будзе болей дакладна!
Прыходзiць Сын Чалавечы,
Як Божы Цуд
На Каляды!
Прыходзiць Сын Божы да чалавека кожны год
На Каляды!

Песня з праэкта “Святы Вечар”, у выкананьні ПамідорOffТыя, хто гэта прачытаў, таксама цікавіліся:

Жыла-была яліначка (+mp3)

kazkiby — Thu, 22 Dec 2011 17:44:39 +0000

Жыла-была яліначка,
У хвойнічку расла,
Зімой і летам стройная,
Зялёная была.

Мяцеліца ёй песеньку
Спявала: “Баю-бай!”,
Сняжком яе атульвала:
“Глядзі не замярзай!”

Пужлівы зайка шэранькі
Вакол яе скакаў,
Падчас і воўк, сярдзіты воўк
Трушком тут прабягаў.

Сняжок у лесе сцішаным
Пад полазам рыпіць,
І конік жвавы сівенькі
Спяшаецца, бяжыць.

Імчацца лёгка саначкі,
А ў санках мужычок
Вязе для нас яліначку,
Паклаўшы на бачок.

І вось яна, прыбраная,
На свята к нам прыйшла
І шмат пацехі, радасці
Для дзетак прынясла.

Сл. З. Аляксандравай
Муз. М. Красева
Перакл. В. Жуковіча

Слухаць і спяваць разам:
Download audio file (jalinachka2.mp3)

Тыя, хто гэта прачытаў, таксама цікавіліся:

У лесе яліначцы холадна зімой (+mp3)

yugasya — Thu, 22 Dec 2011 16:42:34 +0000

У лесе яліначцы
Холадна зімой.
З лесу яліначку
Мы ўзялі домоў.

Наша яліначка
Свеціцца-гарыць:
Снег на галіначках,
Яркія шары.

Цацкі прывабныя
Ззяюць угары
І шакаладныя
Рыбкі і звяры.

Мы пад яліначкай
Сталі ў карагод.
Весела, весела
Стрэнем Новы год!

Словы Р.Кудашавай
Музыка Л.Бекмана
Пераклаў У.Жуковіч

Малюнак: Міле Давідовіч

Слухаць і спяваць песню “Яліначка”:
Download audio file (jalinachka.mp3)

Плача коця на кухні (засынайка ад Юліі)

Юлия А — Sat, 07 Aug 2010 08:00:32 +0000

-А-а-а, а-а-а…
- плача коця на кухні,
ад слёз вочкі папухлі.
Што з табою, мой каток,
забалеў мо жываток?

-Мяў,- сказаў варкоцік,
- не баліць жывоцік.
У мяне душа баліць
- як цяперь на свеце жыць.
Як мне жыць у хаце,
Калі хлусіць Каця:
Смятану злізала
- На мяне сказала?

В.Вітка

Прыйшла ночка да зязюлі (калыханка)

Viktar — Wed, 04 Aug 2010 08:10:25 +0000

Прыйшла ночка да зязюлі
Ты ж ня сьпі, мая красуля
Прыляці ў маю хацінку
Прасьпявай са мной хвілінку

Малюнак: Каміль Пісарра

Будуць зорачкі мігцець
Хачу я з табою сьпець
Хачу ночку кукаваці
Хачу сьвет той забываці.

Ты лажыся на бачок
Сьпіць пад печчу сьветлячок
Выйшла мышка прасьпяваць
Каток шэпы паляваць

Вось і месік узыйшоў
Жоўты мілы віташок
Ён па небу праяжджае
І ў калыскі пазірае

Калі ж ты не будзеш спаць
Цябе будзе месік браць
Зорнай сіньню павязе
Закалыша у вазе.

Тыя, хто гэта прачытаў, таксама цікавіліся:

Пахне яблынькай заечай (калыханка+mp3)

Купалінка ў выкананні Аляксандра Рыбака

Mastachok — Tue, 23 Jun 2009 12:52:19 +0000

Купалінка ў выкананні Аляксандра Рыбака – для дзяўчынак ад 16 :) Як сказала адна такая дзяўчынка, “шмат хто хоча, каб яе гэтай “Купалінкай” закалыхвалі – ці я не маю рацыі?” :)

P.S. Не крывіцеся у бок Рыбака на конт яго звароту да прэзідэнта – усёткі прэзідэнт краіны на канцэрце поп-музыкі для яго новы досвед. Тым больш менавіта гэты прэзідэнт і менавіта гэтай краіны… Хоць у Нарвегіі Сашу ўжо трохі выхавалі з гэтай нагоды ;)Тыя, хто гэта прачытаў, таксама цікавіліся:

Музычная складанка “На Купалле!” ад Kazki.By

kazkiby — Mon, 22 Jun 2009 23:15:03 +0000

Прапануем вашай увазе купальскую аўдыё-складанку “На Купалле!”.
Спадзяемся, што яна вам падабаецца і нават спатрэбіцца (напрыклад, калі будзеце скокаць праз вогнішча ;)

На Купалле!

Змест:
01 Берагіня – На Купалле
02 Троіца – У нас сягодня Купалле
03 Наталля Матыліцкая – У нас сягоння Купала. То-то-то
04 Yar – Купаллё
05 Алеся і ансамбль Сябры – Купалінка
06 Ліцвіны – Да сядзела Купалля на плоці
07 Палац – Розгары (купальская)
08 Guda – Ішла Купалка сялом
09 Guda – Дзе ты, Купала, купалася
10 Трухановіч – Купальская
11 Plan & Pan Zhyzhma – Купалінка
12 Прымакі – Купалінка
13 Песняры – Купалінка
14 ВІА Харлі – Купаліначка
15 Іван Кірчук – Купала на Йвано
16 Guda – А на Купала, а на Йвана
17 Іван Кірчук – Як на Йвана дужа рана
18 Guda – Ды гарэла Купайло на горэ
19 Стары Ольса – Купальскi лёс
20 Galina Bэzu – Купала
21 United colors of RUDN – Купалінка
22 Палац – Ой, Купала
23 Bonus

Час гучання: 1:02
Складанка падрыхтавана праектам kazki.by да Купалля-2009.
Толькі для некамерцыйнага выкарыстання.

А што за Купалле такое?))

Жыццё нашых продкаў рэгламентавалася сонечным календаром. Такія значныя падзеі, як сонцаварот і раўнадзенства, заўжды адзначаліся вялікімі святамі. Якраз сонцаварот быў прымеркаваны да свята Купалля.

Падрыхтоўка да Купалля пачыналася ўжо з раніцы: прыбіралі хаты, моладзь збірала ўсялякія старыя рэчы для таго, каб ладзіць вялікае вогнішча. Людзі пазбаўляліся ад старога, дрэннага, непатрэбнага, спальвалі гэта ўсё і пачыналі новае жыццё.

Дзяўчаты збіралі карысныя лекавыя травы ў лугах.

Пад вечар пачыналася святкаванне. Спачатку вялікае шэсце да месца – гэта звычайна была гара альбо месца ля ракі ці возера на ўзвышшы, каб быць бліжэй да сонца.

Вогнішча складалася вельмі вялікае, на ягоную вяршыню ўсталёўвалася жардзіна, а ўжо на яе – кола ад падводы, якое сімвалізавала сваёй формай сонца.

Шэсце з песнямі рушыла да месца вогнішча, і людзі разводзілі агонь, ладзіліся купальскія карагоды. Увогуле, усё свята суправаджалася спевамі – купальскія песні вельмі разнастайныя і па сюжэтах, і па мелодыцы.

Пасля ўжо пачыналіся танцы, застолле, ладзілі рытуальны стол, на якім звычайна была раслінная ежа – улетку мяса ўжо не было, канчаліся запасы. Асноўнымі стравамі былі яешня, зеляніна, сыр, малочныя стравы.

Моладзь хадзіла шукаць папараць-кветку, якая зацвітае толькі ў самую кароткую ноч. Ладзіліся і купанні, і катанне на чоўнах. Незамужнія дзяўчаты плялі вянкі і варажылі на свой лёс.

Калі вогнішча ўжо прагарала, пачыналіся скокі праз яго. Скакалі па аднаму і па двое, нават на канях, кідалі ў вогнішча вянкі. Была прыкмета: калі хлопец у дзяўчыны з галавы сарваў вянок і кінуў яго ў блукаючы агонь, то ён павінен з ёй ажаніцца.

Ноч на Івана Купалу прымеркавана да самай кароткай ночы, якая астранамічна кожны год адзначалася ў розныя дні. У 2009 годзе санцаварот адбываўся з 20 на 21 чэрвеня. Ае большасць адзначае гэтае свята з 6 на 7 ліпеня (праваслаўны Дзень святога Яна) ці 23-24 ліпеня (каталіцкі Дзень святога Яна). А нехта нават і тры разы адразу :)

Тыя, хто гэта прачытаў, таксама цікавіліся:

Я буду капітанам – спявае Грышка Гільмулін (+mp3)

kazkiby — Mon, 15 Jun 2009 16:27:32 +0000

Я буду капітанам. Карыкатура: Нікалай Круцікаў

Шуміць на карце мора
Сапраўдным ураганам.
Я вырашыў учора,
Што буду капітанам.

Рашаю сам задачы,
Вучуся я старанна.
Мае сябры пабачаць –
Я стану капітанам!

Вятры і штормы, дружа,
Прайду загартаваны.
Я стану самым дужым
І смелым капітанам.

Калі паклічуць горны
Ў далёкія туманы,
Скажу: “Бывай, мой горад!
Уперад, капітаны!”

Шуміць на карце мора
Сапраўдным ураганам.
Я вырашыў учора,
Што буду капітанам.

Рашаю сам задачы,
Вучуся я старанна.
Мае сябры пабачаць –
Я стану капітанам!

Музыка Вячаслава Ждановіча

Паслухаць:
Download audio file (jastanukapitanam.mp3)
Тыя, хто гэта прачытаў, таксама цікавіліся:

Дзяўчынка-Весялінка – спявае Юлія Азаронак

kazkiby — Sun, 14 Jun 2009 19:00:51 +0000

На запісу Юліі 12 гадоў, жыве ў Менску. Гэтая песня на беларускай мове была зроблена для Дзіцячага Еўрабачання 2007, выйшла ў фінальны адборачны тур.

Кароткі змест песні:
Я дзяўчынка завадная,
Я танцую, я спяваю,
Падняла ўсё вверх дном.
Я дзяўчынка-весялінка…
:)

Тыя, хто гэта прачытаў, таксама цікавіліся:

Дзед Барадзед – калыханка (два варыянта, mp3+ноты)

kazkiby — Sat, 13 Jun 2009 09:20:03 +0000

Я хаджу па белым свеце
I гляджу, як вы жывеце.
Калi трэба – памагу,
Бо я ўсё рабiць магу.

Ноты да калыханкі Дзед Барадзед

Прыпеў:
Хто я? Дзед-барадзед,
Абышоў белы свет,
А цяпер у цiхi час
Завiтаў да вас.

З вамi побач буду ўсюды,
Трэба цуды – зробiм цуды,
Трэба казка – раз, два, тры,
Вось i казка вам, сябры!

Вечарамi казкi баю,
Я ў запасе шмат iх маю.
А як прыйдзе казка ў сне,
Зноў кажыце: дзякуй мне…

Я хаджу па белым свеце –
Ваш найлепшы сябар, дзецi,
I вядома нават мне,
Што вы бачыце ўва сне.

Слова А. Вольскага
Музыка Л. Захлеунага

Download audio file (Dzied-Baradzied_original.mp3)

А таксама арыгінальная апрацоўка гэтай песні ў выкананні Лепрыконсаў, паслухайце – цікава.
Download audio file (Dzed_Baradzed_Lepriconsy.mp3)
Тыя, хто гэта прачытаў, таксама цікавіліся: