Казкі беларускія » Калыханкі (колыбельные)

Плача коця на кухні (засынайка ад Юліі)

Юлия А — Sat, 07 Aug 2010 08:00:32 +0000

-А-а-а, а-а-а…
- плача коця на кухні,
ад слёз вочкі папухлі.
Што з табою, мой каток,
забалеў мо жываток?

-Мяў,- сказаў варкоцік,
- не баліць жывоцік.
У мяне душа баліць
- як цяперь на свеце жыць.
Як мне жыць у хаце,
Калі хлусіць Каця:
Смятану злізала
- На мяне сказала?

В.Вітка

Прыйшла ночка да зязюлі (калыханка)

Viktar — Wed, 04 Aug 2010 08:10:25 +0000

Прыйшла ночка да зязюлі
Ты ж ня сьпі, мая красуля
Прыляці ў маю хацінку
Прасьпявай са мной хвілінку

Малюнак: Каміль Пісарра

Будуць зорачкі мігцець
Хачу я з табою сьпець
Хачу ночку кукаваці
Хачу сьвет той забываці.

Ты лажыся на бачок
Сьпіць пад печчу сьветлячок
Выйшла мышка прасьпяваць
Каток шэпы паляваць

Вось і месік узыйшоў
Жоўты мілы віташок
Ён па небу праяжджае
І ў калыскі пазірае

Калі ж ты не будзеш спаць
Цябе будзе месік браць
Зорнай сіньню павязе
Закалыша у вазе.

Тыя, хто гэта прачытаў, таксама цікавіліся:

Пахне яблынькай заечай (калыханка+mp3)

Дзед Барадзед – калыханка (два варыянта, mp3+ноты)

kazkiby — Sat, 13 Jun 2009 09:20:03 +0000

Я хаджу па белым свеце
I гляджу, як вы жывеце.
Калi трэба – памагу,
Бо я ўсё рабiць магу.

Ноты да калыханкі Дзед Барадзед

Прыпеў:
Хто я? Дзед-барадзед,
Абышоў белы свет,
А цяпер у цiхi час
Завiтаў да вас.

З вамi побач буду ўсюды,
Трэба цуды – зробiм цуды,
Трэба казка – раз, два, тры,
Вось i казка вам, сябры!

Вечарамi казкi баю,
Я ў запасе шмат iх маю.
А як прыйдзе казка ў сне,
Зноў кажыце: дзякуй мне…

Я хаджу па белым свеце –
Ваш найлепшы сябар, дзецi,
I вядома нават мне,
Што вы бачыце ўва сне.

Слова А. Вольскага
Музыка Л. Захлеунага

Download audio file (Dzied-Baradzied_original.mp3)

А таксама арыгінальная апрацоўка гэтай песні ў выкананні Лепрыконсаў, паслухайце – цікава.
Download audio file (Dzed_Baradzed_Lepriconsy.mp3)
Тыя, хто гэта прачытаў, таксама цікавіліся:

Беларускія калыханкі – Вольга Паўлоўская

kazkiby — Wed, 10 Jun 2009 15:24:44 +0000

Спявае Вольга Паўлоўская, арганіста касьцёлу найсьвяцейшай Тройцы ў Менску.

28 трэкаў.

1. Люлі-люлі-люлі, прыляцелі куры
2. Хадзіў коцік па капусьце
3. Сьпі, сыночак маленькі
4. А ты, коцінька, каток
5. Баю-баю, дзецетка
6. Сядзіць кошка на стаўпе
7. Люлі-люлі-люлюшок
8. Люлі-люлі, спаці, добры сон дзіцяці
9. Люлі-люлі-люлі, наляцелі куры
10. Люляй-люляй-люляшэнькі
11. А й сон з дромай
12. Ходзіць певень па капусьце
13. пайшоў коцік на таржок
14. Люлі-люлі-люлі
15. Люляй-люляй, мой сыночак
16. Пайшоў коцік у лясок
17. Люлі-люлі-люлі, прыляцелі куры
18. Люлі-люлі цэлы дом сьпіць
19. Люлі-люлі-люлі, усе дзеткі паснулі
20. Баю-баю, люлюшкі
21. Ходзіць кот па сенажаці
22. Люлі-люлі-люлі, усе дзеці паснулі
23. Пайшоў каток у лясок
24. А ты, коцік, не хадзі
25. Да люлі-люлі, каточак
26. Ходзіць каток па сяле
27. Баю-баю-баенькі
28. Гей, да люлі-люлі

Як пампавацьТыя, хто гэта прачытаў, таксама цікавіліся:

Калыханкі ад UNICEF (складанка, mp3)

kazkiby — Fri, 29 May 2009 13:56:30 +0000

Час гучання: 31:24
Якасць: 256 kbps

Трэкліст:
1. Будзільнік
2. Калыханка-лічылка
3. Давыд-гародская калыханка.
4. Ціха ноч ступае.
5. Залюляю, як кахаю.
6. Калыханка для дарослых
7. Сьпі, Наталька
8. Калыханка для душы
9. Кожны вечар
10. Сьпі, мая кветачка
11. Viglid. Калыханка

Bonus
12. Сьпі, мая кветачка (засьпявай сам)
13. Будзільнік (засьпявай сам)
14. Uria. Курка-рабуха
15. Нео. Міліярды зорак

Спампаваць torrent
Як спампаваць складанку?

Тыя, хто гэта прачытаў, таксама цікавіліся:

Калыханкі з ўсяго свету: Японская

kazkiby — Sun, 24 May 2009 18:21:57 +0000

Спявае Міхасі Міція. Мастак-пастаноўшчыца: Наталля Раманенка. Праект Лізаветы Скварцовай.

Тэкст па-японску:

nen-neko sasshari mase
neta-ko no kawaisa
okite naku ko no nen kororo
tsura niku sa nenkororin nenkororon

nenneko shassari mase
kyowa nijugo nichi sa
asuwa konoko-no nenkororon
miyamairi

miya-e maitta toki
nantoiute ogamu sa
issho konoko-no
nenkororin
mamena yoni

Хто ведае японскі – дапамагайце перакласці!Тыя, хто гэта прачытаў, таксама цікавіліся:

Калыханкі з ўсяго свету: Турэцкая (відэа)

kazkiby — Fri, 15 May 2009 17:14:59 +0000

Праект Лізаветы Скварцовай.

Вольны пераклад:
Дандзіні дандзіні маё дзіцятка
Малянятка з рукамі у хне
Твой бацька вельмі цябе любіць
Спі, расці, мілае дзіця

Дандзіні дандзіні маё дзіцятка,
Цяляты ходзяць у агародзе.
Садоўнік, адводзь цялятаў,
Не дай ім з’есці капусту.

Дандзіні дандзіні маё дзіцятка,
А месяц нараджаецца ад маці.
Каго Бог надзяліў усімі багаццямі,
Таго беражэ ён ад злых чар.Тыя, хто гэта прачытаў, таксама цікавіліся:

Беларуская калыханка па тэлефоне

kazkiby — Sun, 10 May 2009 14:29:03 +0000

Цяпер па тэлефоне можна паслухаць казку ці калыханку на беларускай мове. Такую паслугу жыхарам Беларусі ў сакавіку 2009г. пачало прадастаўляць РУП “Белтэлеком”. Раней казкі па тэлефоне маглі слухаць толькі жыхары Мінска.

Кіраўнік даведачна-інфармацыйнага цэха філіяла “Мінская гарадская тэлефонная сетка” РУП “Белтэлеком” Марына Сцяпанава паабяцала пашыраць калекцыю казак. “Акрамя новага раздзела “Казкі на роднай мове” адкрыта свежая рубрыка “Калыханкі”, – дадала яна. – “Вядома, песня па тэлефоне не заменіць голас матулі ці бабулі, але яна можа зрабіць разнастайнымі вечаровыя вольныя часіны дзіцяці. Варта адзначыць, што дзіцячыя песенькі карыстаюцца ў нас асаблівай папулярнасцю”.

Тэлефанаваць па нумары 196, кошт праслухоўвання — 73 рублі за хвіліну.

Тыя, хто гэта прачытаў, таксама цікавіліся:

Тры танкісты выйшлі з танку – Калыханка да Дня Перамогі

kazkiby — Sat, 09 May 2009 07:09:31 +0000

Тры танкісты выйшлі з танку
І сьпяваюць калыханку:

Ціха-ціхенька ляжы,
Як памежнік на мяжы.

Не палохайся чужынцаў –
Гэта толькі муляжы.

Гэта -Пацыфік-, таксама вядомы як -Крыж міра-. Яго зрабілі як знак -Руха за ядзернае раззбраенне-, але зараз ён больш вядомы як знак, які сімвалізуе мір.

Па асеньняй павуцінцы
Маршыруюць пехацінцы.

Сьнегам лётчыкі з аблокаў
Абстралялі ўсё навокал.

Баявы сапёрны ўзвод
Абясшкодзіў сьнег і лёд.

Будаўнічы батальён
Выклаў рэйкі зь летніх дзён.

А марскі ваенны флот
Сноў прывёз на цэлы год.

Сноў чароўных, сноў квяцістых
Аб пехоце і танкістах.

Каб усё, што пра вайну,
Стала зьместам толькі сну.

Аўтарка: Вера Бурлак

***

Сёння ў нас Дзень Перамогі.

Гэта азначае, што мы святкуем перамогу ў вайне, якая была на Зямлі 65 гадоў таму. На ёй загінула вельмі-вельмі шмат людзей.

Малюнак Андрэя Бутузава

Гэты малюнак паказвае, што праўда пра гэту Другую Сусветную вайну, якая ў нас больш вядомая пад назвай Вялікая Айчынная, дагэтуль замоўчваецца і скажаецца, хоць прайшло ўжо 65 гадоў. А наша краіна-суседка Расія, чый сцяг намаляваны на гармоніку ў мішкі, таксама не жадае распавядаць праўду пра яе.

Чаму не жадае? Ёсць шмат прычын – хтосьці баіцца, што праўда будзе горшай за няпраўду, камусьці сорамна за сваіх сваякоў, шмат хто сам не ведае праўды і абыякавы да яе, хтосьці не жадае яе ведаць, а некаторыя наогул хочуць яе схаваць, каб нічога не змяняць у сваёй краіне і кіраваць людзьмі, як раней гэта рабілі цары.

Людзей, якія яшчэ жывыя і памятаюць тую вайну, сёння становіцца ўсё менш – яны паміраюць ад старасці, але ўрачыстыя мерапрыемствы кожны год і ў нас, і ў нашых суседзяў праводзяцца ўсё пышней і ўрачысцей.

Калі ты падрасцеш, то самастойна даведаешся больш пра тое, што здарылася з нашай планетай і людзьмі на ёй, калі адбывалася Другая Сусветная вайна. Гэта вельмі доўгая і трагічная гісторыя…

Тыя, хто гэта прачытаў, таксама цікавіліся:

Калыханкі з ўсяго свету: Грэцкая

kazkiby — Mon, 04 May 2009 16:24:39 +0000

З праекту Лізаветы Скварцовай.

Вольны пераклад:

Люлі-люлі, добрае маё дзіцянятка
Люлі-люлі, салодкіх сноў
Матуля побач
Цябе абніме
І дасць пацалункаў шмат далікатных…

Тыя, хто гэта прачытаў, таксама цікавіліся: