Усе рубрыкі

УНУЧАК – Сяргей Брандт

Рубрыка: 1-3 Малянятам (малышам), 3-7 Дашкольнікам (дошкольникам), 7+ Школьнікам (школьникам), Вершыкі (стишки), Дарослым (взрослым) |

Ёсць у Марка
З дажджом хмарка,
Над ракою ў полі.
99
Двор маленькі,
Клён старэнькі
І сяброўка Поля.

Сяргей Брандт, 20.10.2013

Тэгі: , | 20.10.13
Каментаваць

СIМФОНIЯ ХАЛОДНАГА ДАЖДЖУ – Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Сiмфонія восенi — кроплi, як ноты,
Канцэртам халодным дар непагоды.
Утульна вавёрцы сядзець у дупле,
А як той вароне на мокрай сасне?
817568398
Iграе сiмфонiю доджык асеннi,
Зацiхлi, спынiлiся здзiўлена ценi.
I нават туман прыпынiў свае крокi,
Дажджу падпяваюць з трэскам сарокi.

Малюе малая на шкле адным пальцам,
Не спiцца ў норцы вушасценькiм зайцам.
Сiмфонiю вецер паўторыць на „бiс“,
Слязою студзёнай сцячэ яна ўнiз.

Cяргей Брандт, 15.10.2013

Тэгі: , | 15.10.13
Каментаваць

АСЦЯРОЖНА — ЛICТАПАД! – Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Рэшты мiласцi асенняй
Мокрым смеццем зiхацяць.
У палон пайшлi алеi,
Асцярожна, лiстапад!
3652fa4c4051
Крокi бесслядоўна знiклi,
Падыйшоў туман да хат.
Так жалобны птушак крыкi:
„Асцярожна, лiстапад!”

Заглядае восень у вокны,
Але хто ж ёй будзе рад.
Пад дажджамi памяць мокне,
Асцярожна, лiстапад!

Тмінна-горкiм лiст дымiцца,
Пачарнеў ад плачу сад.
Дзецям ноччу пачне снiцца
Асцярожна лiстапад…

11.10.2013, Сяргей Брандт

Тэгі: , | 15.10.13
Каментаваць

ПАКРАВЫ – Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Заблiшчыць за шыбай з хмар,
Ноч пачнецца не раптоўна —
Час за часам, паслядоўна,
З кошыка дзiвосных мар.
покр
Святлом доўгiм праз акно
Падмяце падлогу месяц.
Зоркi над зямлёй развесiць
I накрые коўдрай-сном.

Шлях да ранiшняй зары
Зацярушыць жоўтым восень.
Груканне з дажджом на кроснах,
Смуткам у печцы дагарыць.

Цудны сон на Пакравы,
Быццам зорным смехам л’ецца.
Мiласэрнасць увойдзе ў сенцы,
З прабачэннем… за грахi…

Сяргей Брандт, 14.10.2013

Тэгі: | 15.10.13
Каментаваць