Усе рубрыкі

У куце сядзіць мядзведзь

Рубрыка: 1-3 Малянятам (малышам), 3-7 Дашкольнікам (дошкольникам), Вершыкі (стишки), Фальклор (фольклор) |

У куце сядзіць мядзведзь,
Хустку вышывае,
А лісічка невялічка
Хатку прыбірае.
А каток пячэ аладкі,
Маслам падлівае.
Мышанятка жвава, гладка
Катку памагае.

Мядзведзь. Ілюстрацыя Ю.Кавыршына

Сядзіць, сядзіць белка
На арэхавым кусце, Чытаць далей » У куце сядзіць мядзведзь

Тэгі: , , , , , , | 12.04.09
Каментаваць

Горкай, горкай, горачкай…

Рубрыка: Вершыкі (стишки), Фальклор (фольклор) |

daroga

Горкай, горкай горачкай,
Шоў малы Ягорачка.
Ваўкоў не баяўся,
Страхаў не пужаўся.

Пратаптаў Ягорачка
Сцежачку да горачкі.

Выразаў Ягорачка
Дудачку-свісцёлачку,
І свістаў ён птушачкай,
Птушачкай-пяюшачкай.

Горкай, горкай, горачкай
Шоў малы Ягорачка.

Блішчыць лядок

Блішчыць лядок аж страх,
Трашчыць лядок трах-трах. Чытаць далей » Горкай, горкай, горачкай…

Тэгі: , , , , | 11.04.09
Каментаваць

Камарова смерць

Рубрыка: Вершыкі (стишки), Песні, Прыпеўкі (частушки) |

kamar

Гэй, у лесе, пры даліне,
У нас сталася бяда:

У даліне, у гушчары,
Калыхаліся камары;

Дуб да дуба пахіліўся,
Камар з дуба зваліўся…

Аб дубовую кару
Пабіў камар галаву

Пабіў камар патыліцу
Аб дубову караніцу

Ой, пабіў камар бакі
Аб дубовыя сукі

Ой, пабіў камар калені
Аб дубовыя карэнні!

А як далі мухам знаць,
Прыляцелі ратаваць: Чытаць далей » Камарова смерць

Тэгі: , , , | 10.04.09
Каментаваць

Сядзіць коцік на кухні, а мышка далёка…

Рубрыка: Вершыкі (стишки), Фальклор (фольклор) |

kotik

Апсік, апсік, каточак
Не хадзі ты ў садочак
І не тапчы кветачак
І не будзі дзетачак.
Няхай кветачкі цвітуць,
Няхай дзетачкі заснуць.
Люлі, люлі, дзеці, спаць,
А я буду калыхаць.

***

Пайшоў каток у лясок
Знайшоў каток паясок,
А котачка адняла
І дзіцяці аддала. Чытаць далей » Сядзіць коцік на кухні, а мышка далёка…

Тэгі: , , , , , , | 08.04.09
Каментаваць