Усе рубрыкі

Хлус (японская казка)

У горадзе Асака жыў хлус. Ён заўсёды хлусіў, і ўсе пра гэта ведалі. Таму ніхто яму не верыў.

Вось аднойчы пайшоў ён у горы. А калі вярнуўся, то й кажа суседцы:
— Якую змяю зараз бачыў! Велічэзную, з бочку таўшчынёй, а даўжынёй як гэтая вуліца.

Магутны чарвяк... Малюнак: charash-song.livejournal.com

Магутны чарвяк... Малюнак: charash-song.livejournal.com

Суседка толькі плячамі паціснула:
— Сам ведаеш, што такіх даўгіх змеюкаў ажно як гэтая вуліца не бывае.
— Неее, змяя сапраўды была вельмі доўгая. Ну, можа, не як вуліцу, дык як завулак.

— І хто ж гэта змяю даўжынёй як завулак бачыў?
— Ну, не завулак, дык з гэтую яліну.

— З гэтую яліну? Брэшаш, не можа такога быць!
— Ну добра, чакай, скажу табе зараз праўду. Змяя была такая, як масток праз нашу рэчку.

— І гэтага не можа быць.
— Ну добра, цяпер я табе самую сапраўдную праўду скажу. Змяя была — даўжынёй — з бочку!

— Ах, вось як! Змяя была таўшчынёй з бочку і даўжынёй з бочку? Мабыць, гэта і была бочка, а не змяя?..

Каментаваць

Магчыма карыстацца гэтымі HTML тэгамі

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>