Хлусы
Надзеýшы з ранiцы трусы,
Хлусяць у двары хлусы.
Марыйка кажа: «У мяне
Ёсць прапелер на спiне.
Зараз я яго ýключу
I над вамi палячу».
«Я- вядомы Чарадзей,
Кажа дзетачкам Андрэй —
-Чары-бары-чарару!
Вас у ягнят пераýтвару.
Бегаць будзеце ý траве
I крычаць: бе-бе-бе-бе.”
хлусы
«У мяне чароýны гузiк,-
Кажа Пеця-карапузiк —
Я на гузiк нацiскаю,
Ем усё,што загадаю».
Кажа Кастусёк кiрпаты:
«У мяне дзiýная лапата.
Лапатка гэтая з лапат,
Зараз адшукае клад.»
«У мяне ёсць конiк Кося,-
Кажа ý панчохах Зося.
-Кось-кось-кось, мой мiлы Кося.
Сам сабе ён траýку косiць».
Нахлусяцца за дзень хлусы,
Нават мокрыя трусы.
хлусы
Нагамоняцца,сядзяць,
Языкi ýжо баляць.
Хлусiць болей неахвота
I дадому йсцi лянота.
Верасень 2011г.
Каментаваць