У мамы, акрамя работы,
Ёсць абавязкi i турботы.
Завесцi ў садок дзяцей,
Зварыць кашу пасмачней.
Прыбраць хату, палiць кветкi,
Сёння гэта зробяць дзеткi.
Да суседкi на хвiлiнку —
I за працу Вера з Дзiмкам.
Пыл стаўбом, усё трасецца,
Адляцела з шафы дзверца.
У каструлю солькi — бух!
I яшчэ… з абедзьвух рук.
Кветкi залiлi вадою,
Дым гаркавы над плiтою.
Кот, схаваўшыся пад ложак,
Зашыпеў:“ Ратуй нас, Божа!”
Мама прыйдзе – будзе рада,
„Вось дык дзеткi, мабыць свята!“
Але: „ Што гэта, нягоднiкi?”
I маўчаць малыя шкоднiкi.
Сяргей Брандт, 06.05.2013
Каментаваць