Загарэлася зялёным
Першая ў небе зорка,
Потым жоўтым i ружовым,
Вунь прачнулася iх колькi.
Колерам такiм пяшчотным
Зоркi ў тонi заглядаюць.
«Дождж занадта быў маркотным» —
Кветкi ў голас падпяваюць.
Вечар прыме на далонi
Вугалькi ў цёмных хатках.
Туманом у cтылым полi
Накладзе на ростань латкi.
Загарэлася зялёным
Першая ў небе зорка
I ляцяць у печку дровы,
Цягне дымам праз задворкi.
Сяргей Брандт, 11.06.2013
Каментаваць