Казкі беларускія

А на золку
За бугром
Праз вясёлку
Скача гром.

Скача,
Скача
Без аглядкі,
Толькі над палянкамі
Бліскаюць вясёла пяткі
Зыркімі маланкамі.

Раз-два,
Раз-два –
Долу хіліцца трава.

Раз-два-тры,
Раз-два-тры –
Усміхаюцца бары.

Раз-два-тры-чатыры –
Светла ўсёй нябеснай шыры…

Раз-два-тры-чатыры-пяць –
Гром пайшоў за мора спаць.

Рыгор Барадулін

***

Тыя, хто гэта прачытаў, таксама цікавіліся:

• Пеўнік, гусачок і верабей
• Сава, соўка, маладая ўдоўка… (дзіцячыя лічылкі)
• Сядзіць коцік на кухні, а мышка далёка…

Фармат: ... ...
Рэйтынг: Абавязкова прачытаць Абавязкова прачытаць