Усе рубрыкі

Баран бок абадран (народная казка)

Быў раз дзед, а ў таго дзеда баран.

І захацеў той дзед зарэзаць свайго барана. Толькі пачаў рэзаць, трошкі бок абадраў, а баран усхапіўся ды ўцёк і схаваўся ў лісіную норку.

Дзедка

Дзедка

Барашка

Барашка

Ліска

Ліска

Прыйшла ліса ў норку, ажно там нехта сядзіць.
Спужалася лісіца і пытаецца:

— Хто там?

А баран ёй адказвае:

— Я баран, бок абадран, чатыры нагі, два рагі, — як дам рагамі, дык ты паляціш уверх нагамі!

Лісіца спужалася і пабегла ваўка прасіць.

Ваўчок

Ваўчок

— А воўчанька ты мой, а кумочак мой, — хадзі, памажы маёй бядзе, паглядзі, хто гэта ў мяне ў норцы сядзіць.

Паслухаў воўк лісу, пайшоў з ёю ў нару выганяць барана.
Прыйшоў, ды сап, сап — носам нюхае.

— Хто там?
— Я баран, бок абадран, чатыры нагі, два рагі, — як дам рагамі, дык ты паляціш уверх нагамі!

Воўк спужаўся ды ўцёк.

Пайшлі яны зь лісіцай ды к медзьвядзю, пачалі медзьвядзя прасіць:

— Мядзьведзінка, бацінка, — хадзі, памажы нашай бядзе, паглядзі, хто гэта ў лісінай норцы сядзіць.

Ліска, ваўчок і Мядзьведзь

Ліска, ваўчок і Мядзьведзь

Мядзьведзь

Мядзьведзь

Паслухаў мядзьведзь, пайшоў з імі да норкі, прыйшоў, ды пытаецца:

— А хто там?

А баран яму:

— Я баран, бок абадран, чатыры нагі, два рагі, — як дам рагамі, дык ты паляціш уверх нагамі!

Мядзьведзь спужаўся, ды ўцёк.

Ідуць яны, ідуць каля саду, ды бачаць — ляціць пчолка.
Давай яны гэтую пчолку прасіць.

— Пчолка, душачка, — хадзі, паглядзі, хто гэта ў лісінай норцы сядзіць.

Пчолка

Пчолка

Паляцела пчолка з імі, прыляцела і пытаецца:

— А хто там?
— Я баран, бок абадран, чатыры нагі, два рагі, — як дам рагамі, дык ты паляціш уверх нагамі!

А пчолка ня спужалася, — у норку, ды давай кусаць барана за абарваны бок!

Баран спалохаўся, выскачыў з норкі, ды давай уцякаць!

ужо 3 абмяркоўваюць Баран бок абадран (народная казка)

  • Выданьне: Беларускія казкі. Мюнхен, 1957.
    Ўзята з бачыны knihi.com
    Калі ласка прабачце, што раней не пазначаў…
    Выпраўляюся — буду надалей адзначаць, што і адкуль:)

  • гэта народныя казкі, пазначаць месца публікацыі неабавязкова. магчыма, калі толькі там была сур’ёзная аўтарская апрацоўка, лепш дадаць пра гэта інфу, ці з якой складанкі (проста можа быць камусьці цікава).

  • Наталья Морозова

    Отличная сказка, взяла для пересказа ребенку на уроке белорусской латературы. Ребенок нашел ошибку в тексте. Пайшлі яны зь лісіцай. Зь -неправильно.

Каментаваць admin Скасаваць камментар

Магчыма карыстацца гэтымі HTML тэгамі

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>