|
|
Байка для дарослых і малых
Ачуняла муха, абляцела дах,
Усюды ад зiмы старое павуцiнне.
Прысела, бо згубiла розум у снах,
На непрацуючы даўно гадзiннiк.
Вось каб ад спячкi трохi адыйсцi,
Прывесцi ў парадак cваё цельца.
I бачыць муха — штосць у куце блiшчыць!
Напэўна скарб, бо ззяе быццам шкельца.
Зляцела. Бацюхны, дык гэта новы грошык!
Для мухi, як вядома, нечакана грошы.
„Куплю сабе сукенку з пялёсткам руж,
А на астатняе – салодкага для блошак.
А можа шлюб? Чаго не можа быць?
Нявеста — лялька ў модных чаравiчках!…”
Чацвёрты дзень у марах на куце сядзiць,
Такiя па вясне ў мухi нашай звычкi.
Праxодзiў мiма дзед сiвы Антось,
„Вось дзiва — муха грошык новы абдымае!”
Анучкай моўчкi пацягнуў i вось —
Няма нявесты, i такое, брат, часцей бывае.
Калi ты скарб знайшоў, то як мага хутчэй,
Нясi ўсё да банку ды рахнуй працэнты.
А не сядзі над ім, не зводзячы вачэй,
Мушыны скарб цяжкі, ён не для рэнты…
Сяргей Брандт, 02.03.2013
Не гучаць, як раней у школе,
Словы аб шчастлiвай долi.
Усе болей грымiць звычна:
“Гэй, ты, лох!” i вельмi зычна.
Бо не маеш ты ”Айфона”,
“Ты ж,стары, без парасона!”
На прыпынку малпай скача:
“З “нэта” я сцягнуў задачу!
Адказаў на ўсе пытаннi
I… не маю нараканняў!”
A чым далей – будзе болей,
Што яму пра лён у полi?
То не трэба, то не -„крута”,
Iнтэрнэт – ДЗЕЦЯМ атрута!
Бо крадзе,не малой лыжкай,
Iнтарэс навогул ккнiжкам.
Сяргей Брандт, 18.02.2013
У прыгаршню зоркi збiрае,
Вясна туманоў святло п’е.
А лес захапiўся iмклiвасцю мая,
Махае галiнкамi ды нешта пяе.
I клiча дзяцiнствам сцяжынка,
Раўчук за пагоркам уголас звiнiць.
I птушкi на полi чакаюць дажынкаў,
Вазочак старэнькi лагодна рыпiць.
Над вёскаю хмарка ўецца,
Затым пойдзе цяжка далей i далей.
Ды можа пад вечар дажджом павярнецца
I стануць падворкi пустыя дабрэй.
Сяргей Брандт, 20.05.2013
На мяжы, уздоўж ракi,
Злуюцца зноў браты-бычкi.
Стаяць насупраць, дзьмуцца
I нават не крaнуцца.
„ Што Вы робiце, быкi?” _
Пытаюць жвавыя шпакi.
„Усiм хопiць, дзень вялiкi,
Кiньце ў рэчку свае бзікi!”
На мяжы, уздоўж ракi,
Не разам два браты-бычкi.
Ды болей не злуюцца,
Паважна так пасуцца.
Сяргей Брандт, 19.05.2013
|
|
