Казкі беларускія

Ой люлі, люлі, люлі,
Прыляцелі жураўлі.
Журавелькі доўганогі
Не знайшлі сабе дарогі.
Яны селі на вароты, —
А вароты скрыгі… скрып…
Не будзіце нашу дзетку,
Наша дзетка спіць, спіць.

***

Люлі, люлі, люлі,
Прыляцелі куры.
Селі на варотах
У чырвоных ботах,
Сталі сакатаці.
Што курачкам даці?
Ці ячменьку жменьку?
Ці гарошку трошку?
Ці жыта карыта?
Ці бобу каробу?
Трэба даць ім грэчкі,
Каб неслі яечкі.

Cпампаваць калыханку. Спявае Вольга Паўлоўская
Паслухаць:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

***

Люлі, люлі, люлі,
Палез кот па дулі,
Памарозіў лапкі,
Палез на палаткі.
Сталі лапкі грэцца,
Недзе кату дзецца.
Няхай каток не вурчыць,
А дзіцятка спіць, маўчыць.

***

Люлі, люлі, люлі,
Кот схадзіў у дулі.
Наеўся, напіўся
Дый важным зрабіўся,
Сеў сабе на зэдлі,
Зайграў на басэтлі,
Працаваць не хоча,
Сам сабе мармоча:

“— Муры, муры, мыра
Не хачу ні сыра,
Ні кавалка сала,
Мне ўсяго дастала…”
Грае кот і жмурыцца,
Нешта з норкі курыцца.
Люлі, люлі, люшанькі,
Стрыгуць ў ката вушанькі,
Хвост вужакай круціцца,
Капцюры вон лупяцца.

З цёмнай норкі-дзірачкі
Ля ката, ля мурачкі
Мышка паказалася,
Кругом азіралася,
Паветрыка нюхала,
Дый вухам ўсё слухала…

Сцеражыся, мышанька,
Будзе бяда-ліханька…
Коціка не бачачы,
Пайшла мышка, скачачы…

Ой, бяда ўжо блізіцца.
Кот на лапкі нізіцца,
Сыру, сала кот не хочыць,
А на мышку капцюр точыць.
Да мышэй ён, калі й сыты,
Вораг — страшны і сярдзіты.

Са зборніку “Народныя дзіцячыя песенькі” В. Луцэвіч, Менск, 1939

Слухайце таксама калыханкі у выкананні Рыгора Барадуліна:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

***

Тыя, хто гэта прачытаў, таксама цікавіліся:

• Калыханкі з ўсяго свету: Грэцкая
• Камарова смерць
• Курка-рабушка, дзеўка малада (+mp3)