Усе рубрыкі

РЭЙН – Сяргей Брандт

У нізіне, што пад Кёльнам
Рэйн цячэ сцяжынкай вольнай.
Да мора сіняга бяжыць,
Паміж розных меж ляжыць.

images.jpgтьтт

Бераг правы не спіць ноччу,
Па нямецкі сустрэць хоча.
А другі – такі паважны
На галандскай мове важыць.

Так і мерае вякамі
Рэйн блакітнасць берагамі.

Сяргей Брандт, 01.01.2014

УСІМ КАЛЯДЫ БУДУЦЬ РАДЫ — Сяргей Брандт

Вeрабейка прыг ды скок,
Жвавенька збiрае зерне.
Падыйшоў да хаты змрок,
Пад акном праліўся ценню.

kolyada

Першым успыхнуў вугалёк,
Зорачкай на небасходзе.
Помняць продкi — не знарок,
Варажба жыве ў прыродзе.

На стол — сена, грошай медзь,
Пост да самага вячора.
Узвар духмяны, не паспець,
З’есць куццю да жоўтых зорак.

Цягне маладых на свет,
Каля банькi хтосць варожыць.
У гэтай чарадзе прыкмет
Дух калядны дапаможа.

Свiст ля млына, смех гарой,
То батлейка вёску смешыць.
Моладзь б’ецца, божа ж мой,
За ўладанне снежнай вежай.

Ведаю, што незнарок,
Усё з намi праiсходзiць!
Адыйшоў ад хаты змрок,
Чырвань грае на ўсходзе.

Жменька жыта, парны плот…
З Калядой святкуюць людзi.
Жужжыць бабцiн калаўрот,
Што прайшло – таго не будзе!

Сяргей Брандт, 22.12.2012

СТУДЗЕНЬ ЗАВIРУШНЫ — Сяргей Брандт

Белым снегам, чыстым пухам
Прымяце садок стары.
Мароз з цеткай завiрухай
За ноч абыйдуць двары.

866

Вокны зробяцца сляпымi:
Траў дзiвосных, кветак шмат.
Вецер плача ў камiне,
Iней кволы студню брат.

Добра ў хаце, вельмi цёпла,
Не бяда, што так мяце.
Хай мароз малюе вокны —
Ён у хату не зайдзе.

Будзе ранiчка празрыстай,
Скрып ад санак, звонкi смех.
А пакуль марай iскрыстай
На двары лажыцца снег.

Сяргей Брандт, 11.01.2013

ЖУРАЎЛІНАЯ ГЕАМЕТРЫЯ. АКСАНА ЯРАШОНАК

У трохкутніках раўнабедраных
Нашы вёскі і гарады.
Жураўлінае геаметрыя
Зноў расчульвае, як заўжды.
931
Штось шчымліва-незразумелае
Растрывожыць душу і слых.
Гэта неба, ад хмар ссівелае,
Адгукнецца сваім “курлы”.

Так няўтульна, самотна, ветрана,
А наперадзе – халады…
Жураўлінае геаметрыя
Зноў расчульвае, як заўжды.