|
|
У адной пані касцы сена касілі. Утаміліся і ляглі адпачыць. Ажно і пані едзе.
— Уставаймо, хлопцы, бо дастанецца нам ад пані, — кажа адзін касец.
— Ляжыце, хлопцы, скубіце траву, а я ўжо знайду, што сказаць, — адказвае іншы.
Вось пад’ехала пані і пытае сярдзіта:
— Чаго вылежваецеся, гультаі?
А касец ёй:
— Вось, пані, касілі-касілі, ды й дайшлі да такой травы, што каса не бярэ, то мы яе, праклятую, рукамі ірвем.
— А, ну то гэта іншая справа! — прамармытала пані. — То так і далей рабіце…
 Зайцы таксама косяць... Прыказкі пра гультаёў
1. Гультай за работу, а мазоль за руку.
Калі гультай наракае на цяжкую работу, якая быццам яго ў калецтва ўганяе.
Чытаць далей » Як касцы пані абхітрылі. Прыказкі пра гультаёў
Жылі-былі брат і сястра. Брат быў ружовашчокі, а сястра, наадварот, — смуглявая. У брата было толькі адно сонейка, а ў сястры — месяц рагаты і тысячы зорак.
Жылі яны спачатку дружна, а потым пасварыліся.
 Малюнак: Lisa Evans Сястра ўсё пасмейвалася з брата:
— Што ты з адным сонейкам гуляеш? Вось у мяне, бачыш, колькі зорак! З імі гуляць куды цікавей.
Маўчаў брат. Чытаць далей » Казкі-загадкі: Брат і сястра
 Малюнак турэцкага мастака Gurbuz Dogan Eksioglu 1. Коціцца катушка — ні звер, ні птушка, ні камень, ні вада, а што — адгадай!
2. Усе яго любяць, чакаюць, а глянуць, убачуць — адразу заплачуць.
3. Што гэта за вочы: адно свеціць удзень, а другое — ўночы.
4. Пакаціўся клубок, рассыпаўся гарох, пачало світаці — няма чаго збіраці.
5. Мяне б’юць, калоцяць, варочаюць, рэжуць, а я ўсё цярплю і ўсім дабром плачу.
Чытаць далей » Загадкі пра сонца, месяц, зямлю
Сёння — 1 мая, першы дзень новага месяца.
Май — гэта апошні месяц вясны.
Па-беларуску май завуць “травень”. Ведаеце чаму?
У маі звычайна распускаецца зеляніна. Пра яе і нагадвае другая назва месяца — травень. Гэтае найменне захавалася не толькі ў старажытных пісьмовых крыніцах, але і ў вуснай народнай творчасці, і таму зараз прынятае у сучаснай беларускай мове, на якой мы з вамі размаўляем, чытаем і пішам.
Цікава, што май нашыя продкі таксама называлі “ярац” — у гонар бажаства ўрадлівасці Ярылы. Але зараз аб гэтым мала хто ведае.
 А гэта сам Ярыла - можа, і пра яго мы як-небудзь вам распавядзем;) А ці ведаеце вы, адкуль узялася назва “май”?
Гэта слова ўзятае з лацінскай мовы. Рымляне прысвяцілі месяц багіні зямлі Маі. Дарэчы, тая ж аснова таксама ў нямецкай і французскай мовах – Mai, англійскай – May, польскай – maj, венгерскай – majus, рускай – май, і інш. Чытаць далей » Май… Травень. Ярац на двары!
|
|
