Жылi-былi ў Дрывятах,
Бацька з маткай, з краю хата.
Свiнка, млын ды дзве каровы,
Лазня, сена стог i дровы.
Поўны катушок нясушак-
Пух ды пер’е для падушак.
Сад аж сотак дзесяць мае,
Лес да ганку падступае.
Побач з бульбачкай рады
I ставок каля вады.
Прыбран двор ад смецця,
Сонца добрым свецiць.
У хаце, у куце абразчык,
Абрус шыты ўздоўж качкай.
Стол застаўлены багата
I гасцям заўсёды рады.
Ля пячы вясёлы коцiк
Мые лапкаю жывоцiк.
Рушнiкоў крахмальны хруст,
За вакном — шыпшыны куст.
Пчолкi лётаюць, гудуць,
Грушкi беленькiм цвiтуць.
У лясок раўчук бяжыць,
Ланцужком амаль блiшчыць.
Людi з дабрынёй жывуць,
Хатка — там, тры хаткi тут.
I ў вечар , a не з рання,
Пяюць двары апавяданне.
Сяргей Брандт, 06.03.2013
Каментаваць