Казкі беларускія

Андрэй не дурэй,
Не дзяры капоты!
Не ты ткаў,
Не ты праў
Не твае работы!

Апанас, Апанас!
Твая жонка у нас
Увалілась у квас,
Лаві сем год нас!

Віця, Віця, Віцяля,
З’еў карову і цяля.
І дванаццаць парасят
Толькі хвосьцікі вісяць.

Людзік – пудзік.

- Мікіта! Ці ты та?
- Не я то, мой та-та.
Мікіціха дзяжу месіць,
А Мікіта сьпіну чэшыць.
Мікіта дровы сячэць,
А Мікіціха бліны пячэць.
Сячэць дровы яловыя,
Пячэць бліны паловыя.

Натальля – пральля.

Кузьма – вераценьнік.
Пайшоў у бярэзьнік,
Сабакі дагналі,
Нагу адарвалі.

Сяргей-верабей
На кані катаўся,
Рукі, ногі паламаў,
Без штаноў застаўся.

Піліп да ліпы прыліп.

Дзілінь-дзілінь-баў!
Саўка прапаў!
Палажылі Саўку
На белую лаўку.
Лаўка трасецца.
Саўка сьмяецца.
Курачка сакоча –
Савачка рагоча.
Дзілінь-дзілінь-баў!
Саўка прапаў!

Светка-катлетка,
Длінная шкарпэтка.

Франак – абаранак.

Юзік скруціўся ў гузік.

***

Яшчэ па тэме:

• Карл у Клары ўкраў каралі
• Чэрці ў возеры купалісь
• Верабей (хуткамоўка на Р)
• Мішка-памочніца (і Агнія Барто:)
• Пеўнік, гусачок і верабей