|
|
Частка трэцяя
• Прыбiраццa ў хацe можна пачынаць толькi тады, калi госць даехаў да свайго месца жыхарства. Kалi ж не ведаеш, даехаў ён цi не, то прыбiраць пачынай праз тры дні пасля яго ад’езду.
• Убачыць дамавiка ў вобразе каго-небудзь iз сваiх дамачадцаў — гэта да хуткай і звычна да цяжкай хваробы цi да непрыемнасцяў, якiя пагражаюць гэтаму чалавеку. Тады пасля гэтай выявы трэба адразу прачытаць «Ойча наш» i перакрысцiць сябе тройчы.
• Калi дамавiк з’яўляецца чалавеку ў вобразе якiх-небудзь рэчаў, то патрэбна заўважыць, якая гэта рэч. Хутчэй усяго дамавiк праз пэўны вобраз хоча нешта данесцi да Вас. Напрыклад, Bы бачыце дзiцячую цацку, то гэта да хуткага папаўнення ў сям’i, заручальны пярсцёнак — да шлюбу, калi бачыце кашалёк — да атрымання грошай.
Сяргей Брандт, 22.06.2013
Матухна, матуля
Добрая мая!
Чуеш як зязюля
Плача ў палях?
Мiлы мой сыночак,
Мне i не чуваць.
Вечар доўгi, ночку
Трэба моўчкi ткаць.
Матухна, матуля
Толькi паглядзi,
Як зорачкi-красунi
Мiргаюць дзе-нiдзе.
Мiлы мой, радненькi,
Мне не паглядзець.
Ранiца шарэнька,
З працай не паспець.
Матухна, матуля
Трохi адпачнi.
Сена ўсё згарнулi
Цёплыя дзянькi.
Малы ты, сыночак,
Мне дапамагаць.
А хто спляце вяночак,
Калi я буду спаць?
Сяргей Брандт, 22.06.2013
Частка першая
Рымцы, грымцы, добры кот,
Выхадзi цяпер упярод.
Рымцы, грымцы, мышы спяць,
Табе цяпер усiх шукаць.
Пячэ зайка зранку
З макам абаранкi.
Адзiн, два — агонь гарыць,
Табе патрэбна выхадзiць.
Раз — сцiзорык, два — цвiчок,
Тры — лабасценькi бычок.
А чатыры — будзе рэч,
Хто не возьме, пойдзе прэч.
Варылi тхаркi юшку
Iз пернiкаў ды сушак.
Даклалi i смятанкi,
З каляровай шклянкі.
A цi можа гэты быць?
Чаго маўчыш? Табе вадзiць.
Сяргей Брандт, 21.06.2013
Я — вядомы чараўнiк!
Прачытаў я мноства кнiг.
Ведаю пра то, пра гэта,
Бо вандрую цераз лета.
Крэблi-Краблi-Бумс.
Бачу думкi дрэваў, кветак,
Сны чытаю малых дзетак.
Ведаю я мову птушак,
Гукi вецярок цярушыць.
Крэблi-Краблi-Бумс.
Мне дапамагаюць зоры,
Чытаць нябесныя ўзоры.
Я — сапраўдны чараўнiк!
Вось я тут, а вось я — знiк…
Крэблi-Краблi-Бумс.
Сяргей Брандт, 21.06.2013
|
Рэкамендуем:
|
|
Новыя каментары