Усе рубрыкі

Скарбонка — Сяргей Брандт

Рубрыка: Вершыкі (стишки) |

Я — глiняны парсючок,
Маю сыценькi бачок.
Я вясёлы i прыгожы,
Бо збiраю толькi грошы.

розовая свинья

А звiняць яны так звонка,
Я — дзiцячая скарбонка.
На палiцы стаю цяжка
Памiж ваўком i чарапашкай.

Сяргей Брандт, 04.04.2013

04.04.13
Каментаваць

Цімошка – Сяргей Брандт

Рубрыка: Вершыкі (стишки) |

Брат малодшы мой — Цiмошка,
Спiць у сваiм маленькiм ложку.
Носiць боцiкi малыя,
Не пасуюць мне такiя.
i
Есць з маленькай мiскi кашу,
„Не смачная!”- малы кажа.
Брат маленькi, а вакол
Аж гудзiць ля брата дол.

Брат не ходзiць, ён маленькi,
Поўзае, як жук старэнькi.
Мама кажа: “Скора пойдзе!
Усе цацкi твае знойдзе!”

Можа лекаў якiх даць,
Каб не змог iх брат дастаць?
Лепей коўзай у краватцы
I цiшэй будзе ў хатцы.

Сяргей Брандт, 03.04.2013

04.04.13
Каментаваць

Асмялеўшае шчаня – Сяргей Брандт

Рубрыка: Вершыкі (стишки) |

Маленькае хлуслiвае шчаня
Ганяла пылянят ля самай хаты,
Насустрач раптам – гусачок цыбаты,
Яго баяцца ўсе ад Муркi да каня.

s-3a2d81929efed0bafd1ffeb750d0fae9

I што рабiць, ён возьме і ўшчыпне,
Хавацца трэба пад сухiя дровы.
А можа ў пуню да рудой каровы?
Пакуль пагроза зноў не прамiне.

Прайшоу гусак паважна па двары,
Шчаня застыла шэранькiм паленцам.
А потым кулем паняслося ў сенцы,
Дзе гаўкнула ўголас разы тры.

Што мне гусак – я спадару служу!
Магу сагнаць з дзяляначкi авечку.
Пакуль гусак не вернецца пад вечар —
Вартую гаспадарку i суседскую мяжу.

Сяргей Брандт, 01.04.2013

02.04.13
Каментаваць

Слон і мыш – Сяргей Брандт

Рубрыка: Вершыкі (стишки) |

У краму да кандытара Слана
Маленькая мадэмуазэль зайшла.
Трымаючы з паперы парасон,
Яна сказала: „Прывiтанне, Слон!

000119

Шукаю з сыру долькi „Мiлка”.
Слон кажа: ”Гэта нейкая памылка.
Мы прадаём усялякiя прысмакi,
Амаль гадкоў дванадцаць з гакам.

А сыр – не ў асартыменце,
Зайдзiце ў краму да Ваверкi Бэцi.
Там дзе арэшкi — ёсць сырныя долькi,
I не ад „Мiлкi“, а ад кароўкi Зоркi.

У краму да кандытара Слана
Аднойчы ранiцою Мыш зайшла.

Сяргей Брандт, 01.04.2013

01.04.13
Каментаваць

Рэкамендуем: