Усе рубрыкі

“Зайкава хатка” — інтэрактыўная казка пад iPad

Рубрыка: Навіны (сказочные новости) |

У краме iTunes з’явілася казка на беларускай мове з чароўнымі ілюстрацыямі Наташы Чатковай. Адметнасць казкі ў тым, што яна інтэрактыўная — на малюнкі магчыма (і трэба) націскаць, каб атрымаць “дапоўненую рэальнасць”. Напрыклад, націснуўшы на гадзіннік, пабачыце зязюлю, мышка памахае вашаму дзіцяці хвастом, і г.д.

Зайкава хатка, казка
Чытаць далей » “Зайкава хатка” — інтэрактыўная казка пад iPad

05.01.14
Каментаваць

БЕЛЫ КАРАГОД — Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Пабач, якая сёння завiруха за акном!
Мяце i сыпле, як нiколi ў гэтым годзе.
Зачаравала вёску зноў цудоўным сном
I лес з зямлёй звяла у белым карагодзе.

51480021_0_1df4d_54cdd2a7_L (1)

У гэты незвычайны на прыгоды час,
Калi рэальнасць пагубляе свае формы,
Пачне жыццё змяняцца, здымкам у анфас,
Да ранiцы святло застанецца аморфным.

На двор паклiча выйсцi, як бы незнарок,
Сняжынкi замiлуюць мiтуснёй лагоднай.
Яны ў танцы абгарнуць знямеўшы змрок,
Адзеннем легкiм, але ўначы — свабодным.

Сяргей Брандт, 28.10.2012

Тэгі: | 03.01.14
Каментаваць

МАРОЗНАЯ РАНIЦА — Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Полымя ў пячы гудзiць,
Дзед на зэдлiку сядзiць.
Зложаны ў радок паленцы,
Зіма зноў не мае сэрца.

утор

Блiшчыць няпоўная луна,
Спiць пад снегам цiшыня.
Прамерзлi дрэвы да каранёў,
Мароз цiсне — будзь здароў.

Збялелi шыбы на акенцах,
Холад блукае па сенцах.
У хату просiцца, скрабецца,
Можа дзеду ўсё здаецца?

На ўсходзе чырвань плешча,
Цягне дым ракою вечнай.
Зоркi-шкоднiцы пяюць:
“Дзеткi ў школку не iдуць!”

Сяргей Брандт, 26.12.2012

Тэгі: | 02.01.14
Каментаваць

БЕЛАЕ НА ШЭРЫМ – Сяргей Брандт

Рубрыка: 7+ Школьнікам (школьникам), Вершыкі (стишки), Дарослым (взрослым) |

Завiруха трасе злая
Попел белы кругалля
На пяшчоту, што ад раю
Мела некалi зямля.

5678

Белае на шэрым полi,
Яркiх кветак стылы свет.
Плача вецер у наваколлi,
Як стары вясковы дзед.

Цемра с брыдкаю сумотай
Падпаўзе амаль дахат,
I застанецца за плотам,
Хто ж святлу святому рад.

Ахрысцiць агеньчык вокны
I прагонiць горкi лес.
Завiруха попел мокры,
Як журбу трасе з нябёс.

Сяргей Брандт, 26.09.2012

Тэгі: | 01.01.14
Каментаваць

Рэкамендуем: